web counter
LEXO PA REKLAMA!

SHKARKO APP

App Store
Google Play

Samiti "Plani i rritjes, rruga drejt BE-së"/ Rama: Për sigurinë e Europës, zgjidhni një djalë nga Ballkani

21 Nëntor 2025, 10:19, Politikë CNA

Samiti "Plani i rritjes, rruga drejt BE-së"/ Rama: Për

Kryeministri Edi Rama ka mbajtur një konferencë të përbashkët me komisioneren Marta Kos në çelje të samitit “Plani i rritjes, rruga drejt BE-së”.

Në fjalën e mbajtur Rama tha se Ballkani Perëndimor nuk duhet të jetë një spektator, por një faktor në Europë dhe këtë po bëjnë.

Kryeministri tha se Ballkani Perëndimor po ecën nga rreziku drejt mundësisë.

Më tej, Rama u shpreh se Ballkani Perëndiimor nuk po kërkon lëmoshë, por po provon gjithmonë e më shumë se është gati për të qenë pjesë e Europës.

Nuk mund të ketë një Europë të fortë e një Ballkan të dobët, sipas kryeministrit.

 

“Ballkani Perëndimor nuk duhet të jetë një spektator, duhet të jetë një faktor dhe këtë po bëjmë.

Investuesit shohin një treg, një forcë pune dhe një gjeografi në harmonizim me BE-në.

Ballkani Perëndimor po ecën nga rreziku në mundësi. Ne po lëvizim nga skajet e hartës në qendër të historisë sonë europiane edhe nëpërmjet ekonomisë. BP nuk po kërkon ndere, askush nuk po thërret për t’u shpërblyer me ëmbëlsira. Nuk po kërkojmë lëmoshë, po provojmë se jemi gjithmonë e më gati. Nuk ka variant të një Europe më të fortë me një rajon Ballkani më të dobët në mesin e saj.

Të gjithë e dinë, edhe Marta e di, që për sigurinë tuaj zgjidhni një djalë nga Ballkani. Ne jemi truprojat e Europës”, tha Rama./CNA





Lajmet e fundit nga