web counter
LEXO PA REKLAMA!

SHKARKO APP

App Store
Google Play

E fundit!

x

Samiti për Planin e Rritjes/ Rama: Tarifat roaming mes BE-së dhe Ballkanit Perëndimor do të hiqen në 2026

21 Nëntor 2025, 10:08, Politikë CNA


Kryeministri Edi Rama po mban fjalën hapëse në nisje të samitit për Planin e Rritjes “Rruga jonë drejt BE-së”. Rama e ka cilësuar Planin e Rritjes si një udhërrëfyes jo vetëm drejt Bashkimit Europian, por drejt lirive dhe mundësive të tregut të përbashkët europian. 

Ai ka deklaruar se në vitin 2026 do të marrin fund tarifat roaming mes Bashkimit Europian dhe Ballkanit Perëndimor. Sipas tij, roaming nuk ka të bëjë me fatura telefonike, por heqjen e një kufiri tjetër artificial mes qytetarëve tanë dhe Europës.

"Mirë se erdhët në Tiranë, qytetin ku besimi tek Europa është kaq i madh. Ballkani Perëndimor ka zgjedhur të ecë përapara së bashku me Planin e Rritjes, udhërrëfyesin tonë të bashkëndarë. Një udhërrëfyes jo drejt Brukselit, por drejt lirive dhe mundësive e tregut të përbashkët europian. Trenat e bashkëpunimit rajonal u nisën dhe ne mbetëm në platformë. Europa nuk është ndërtuar duke ndenjur në pritje, por duke vepruar. Jemi këtu të ndërtojmë atë që na takon të ndërtojmë sot. Njerëzit nuk e ndiejnë integrimin, ndiejnë kosto më të ulura, udhëtim më të lehtë, më të shpejtë, liri lëvizjeje. Tarifat roaming mes BE-së dhe BP do të përfundojnë në 2026. Qytetarët do ta ndiejnë efektin në xhepat e tyre. Tashmë me finalizimin e bazës ligjore nga KE, është program mes BE-së dhe Ballkanit Perëndimor që do t'u japë fund tarifave. Do të jetë suksesi ynë i ardhshëm pas SEPA-s. Roaming nuk ka të bëjë me fatura telefonike, por heqjen e një kufiri tjetër artificial mes qytetarëve tanë dhe Europës", tha Rama. /CNA





Lajmet e fundit nga