web counter
LEXO PA REKLAMA!

SHKARKO APP

App Store
Google Play

E fundit!

x

Rama: Sa të jem unë në detyrë s'ka luftëra me drejtësinë, por ka një kufi mes pushteteve të pavarura

21 Nëntor 2025, 13:09, Politikë CNA

Rama: Sa të jem unë në detyrë s'ka luftëra me

Kryeministri Edi Rama në konferencën e sotme me komisioneren europiane Marta Kos, foli edhe lidhur me vendimin e GJKKO-së për pezullimin nga detyra të zëvendëskryeministres Belinda Balluku. Ai deklaroi se kjo qeveri do të vazhdojë të mbështesë pavarësinë e drejtësisë, pavarësisht çmimit.

Më tej shtoi se për sa kohë ai është në detyrë, qeveria nuk do të ketë akuza apo kundërshtime për vendimet e Gjyqësorit, por shtoi se duhet respektuar kufiri i caktuar nga Kushtetuta për pushtetet e pavarura.

"Në këtë pikë të gjithë duhet të bëjmë punën dhe rolin tonë. Roli ynë është të jemi garantë të kësaj pavarësie të drejtësisë që Shqipëria po e sheh për herë të parë. Ta mbrojmë këtë pavarësi të Gjyqësorit edhe kur rëndon mbi ne formën e një padrejtësie, sipas nesh. E përsëris, nuk ka të ngjashme në Europë, por ne do të respektojmë kufirin tonë dhe nuk do të hyjmë në territorin e një pushteti tjetër të pavarur. Kultura e gjyqeve popullore dhe organizimeve nëpër salla mediatike për të dhënë mendime për sekrete hetimore të nxjerra nga vetë prokurorët, është një kulturë që duhet luftuar. Do të jemi garantë të pavarësisë së Gjyqësorit me çdo çmim. Edhe kur çmimi është i atillë dhe të vjen të mos ndalesh duke thënë ç'të vjen në mend. Por këtë rrugë kemi zgjedhur për të qenë vend anëtar i BE-së. Është një pushtet i ri fëminor i ndërtuar mbi një të kaluar që nuk e ndihmon drejtësinë e pavarur. Aftësitë e prokurorëve dhe gjykatësve janë një pjesë e rëndësishme që duhen rritur dhe forcuar. Duhet kohë, durim dhe vendosmëri. Këtë të fundit e kemi. Dhe sa të jem unë në detyrë nuk do të shikoni luftëra me drejtësinë apo akuza për të kundërshtuar akuzat që bën drejtësia. Por ka një kufi për ato që përcakton Kushtetuta për pushtetet e pavarura", tha Rama. /CNA 





Lajmet e fundit nga