web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i GJKKO-së për Ballukun/ "Nuk ka një zëvendëskryeministër", Rama: Do ta çojmë në Kushtetuese si akt brutal

21 Nëntor 2025, 12:59, Politikë CNA

Kryeministri Edi Rama në konferencën e përbashkët me komisioneren Kos, ka folur edhe për vendimin e GJKKO-së ndaj Belinda Ballukut.

Rama deklaroi se qeveria shqiptare do ta çojë në Gjykatën Kushtetuese vendimin e GJKKO-së dhe do të pritet vendimi i Kushtetueses.

Kryeministri deklaroi se nuk jemi në kushtet e ndonjë lëvizjeje në qeveri, ndërsa bëri me dije se aktualisht funksionet e ministrit të Infrastrukturës dhe zëvendëskryeministrit nuk funksionojnë.

“Nuk u kuptuam. Pezullimi është vendim i një gjykate që ne do ta përcjellim në Gjykatën Kushtetuese si një akt brutal ndërhyrjeje në pavarësinë e pushtetit ekzekutiv. Kushtetuesja duhet të na thotë se cili është qëndrimi i saj bazuar në Republikën e Shqipërisë. Nuk jemi në kushtet kur mund të diktohet ndonjë lëvizje e qeverisë. Për periudhën që flasim nuk ka një zëvendëskryeministër dhe një ministër Infrastrukture që funksionon.

Nuk bën vaki në BE që njerëzit të pezullohen nga funksionet. Është unike në historinë e Europës kjo. Nuk bën vaki në BE që kryetari i bashkisë të merret pa gjyq nga zyra dhe të shkojë në burg”, tha Rama.





Lajmet e fundit nga