web counter
LEXO PA REKLAMA!

SHKARKO APP

E fundit!

x

GJKKO pezulloi nga detyra Ballukun/ Rama: Respektojmë pa kushte vendimin e Gjyqësorit

21 Nëntor 2025, 12:52, Politikë CNA

Kryeministri Edi Rama në konferencën e sotme për mediat ka folur edhe lidhur me vendimin e GJKKO-së për pezullimin e zëvendëskryeministres Belinda Balluku nga detyra. Rama tha se ndonëse është një rast ekstrem, qeveria do ta respektojë pa kushte vendimin e Gjyqësorit.

"Pezullimi i një ministreje dhe në këtë rast edhe zëvendëskryeministreje është një tjetër shfaqje e atyre dobësive që përmenda, të një pushteti krejt të ri dhe reflekseve antidemokratike. Ky është rast unikal në historinë e Europës dhe trupave speciale të drejtësisë që janë krijuar në proceset e integrimit europian të vendeve të ish-lidhjes komuniste. Kurrë s'ka ndodhur që një prokurori dhe një gjykatë të mblidhen dhe të pezullojnë nga detyra një anëtar qeverie. Por nëse një prokuror dhe gjykatës special kanë vendosur të pezullojnë një ministër, cenimi i një pushteti tjetër të pavarur, zgjedhja jonë në këtë rast është strategjikja, për ta mbrojtur pavarësinë e Gjyqësorit edhe në këtë rast ekstrem. Nuk do të angazhohemi në një betejë politike retorike me drejtësinë. Do ta respektojmë pa kushte vendimin e Gjyqësorit", tha Rama. /CNA





Lajmet e fundit nga