web counter
LEXO PA REKLAMA!

SHKARKO APP

App Store
Google Play

Rama: "Fletërrufetë e kënetës" s'ndalin dot zhvillimin e Shqipërisë, më 16 maj Tirana pret liderët e Europës

3 Maj 2025, 21:42, Politikë CNA

Rama: "Fletërrufetë e kënetës" s'ndalin dot

Kryeministri Edi Rama ka reaguar ndaj rezolutës së miratuar nga Partia Popullore Europiane këtë javë, ai e quajti atë një “fletërrufe të kënetës” dhe kritikoi mënyrën si funksionojnë konferencat e partive politike, ku sipas tij tekstet miratohen pa debat real.

Në një intervistë në A2CNN, Rama theksoi se Shqipëria është shumë më përpara se sa perceptimet që disa përpiqen të krijojnë.

Kryesocialisti solli në vëmendje faktin se më 16 maj në Tiranë do të mbahet Samiti i Komunitetit Politik Europian, ku do të marrin pjesë të gjithë kryeministrat e vendeve anëtare, presidentja e Komisionit Europian dhe krerë të tjerë të BE-së.

“Fakti që ata vijnë në Tiranë për të mbajtur Samitin e Komunitetit Politik Europian flet shumë qartë se çfarë është Shqipëria e sotme”, deklaroi ai.

I pyetur për kontestimin e vazhdueshëm të zgjedhjeve në vend, Rama iu referua zgjedhjeve të vitit 2013, kur Partia Socialiste fitoi për herë të parë pushtetin.

“Ato zgjedhje nuk janë kontestuar, sepse kush i organizoi, i humbi dhe nuk kishte çfarë të kontestonte. Por për sa kohë në krye të kënetës do të vigjilojë bufi i kënetës, nuk do të ketë zgjedhje të pranuara në Shqipëri”, u shpreh ai me tone ironike.





Lajmet e fundit nga