web counter
LEXO PA REKLAMA!

SHKARKO APP

App Store
Google Play

Kandidon në listën e hapur/ Idrizi: Strategji për maksimalizimin e votës më 11 maj

3 Maj 2025, 18:54, Politikë CNA

Kandidon në listën e hapur/ Idrizi: Strategji për maksimalizimin

Kryetari i PDIU-së, Shpëtim Idrizi ndau sot disa qëndrime lidhur me zgjedhjet parlamentare të 11 majit. I ftuar në një studio televizive, Idrizi u shpreh se do të kandidojë si deputet në listë të hapur në Aleancën për Shqipërinë Madhështore, me qëllim maksimalizimin e votës për partinë e tij në zgjedhje.

Idrizi shtoi se kjo zgjedhje nxit mobilizim te njerëzit.

Idrizi tha se partia synon dy mandate në Tiranë dhe nga një mandat në qarqet e Durrësit, Vlorës e Fierit.

Sipas Idrizit, për PDIU-në është e rëndësishme që partia të marrë sa më shumë mandate.

“Dola në listë të hapur, që të maksimalizojmë rezultatin në këto zgjedhje. Ne duam dy mandate në Tiranë, ndërsa kemi objektiv për të marrë mandat edhe në Durrës, Vlorë, Fier. Isha në Kavajë, ndërsa tani jam përqendruar në Tiranë. Dalja e kryetarit të partisë në listë të hapur, sjell mobilizim tek njerëzit. Takoj me dhjetëra njerëz në ditë, jam përpjekur të jem larg dhe ekraneve. Unë kam eksperiencën e duhur politike, kam marrë pjesë në shumë zgjedhje. Është e rëndësishme që PDIU të ketë sa më shumë mandate në Tiranë dhe në Shqipëri. Unë mendoj se të gjithë kryetarët e partive duhet të ishin në listë të hapur”,-tha Idrizi./CNA





Lajmet e fundit nga