web counter
LEXO PA REKLAMA!

SHKARKO APP

App Store
Google Play

Problemi me mungesën e ujit në Sarandë/ Rama: Do rinvestojmë se nuk kemi rrugë tjetër

3 Maj 2025, 18:32, Politikë CNA

Problemi me mungesën e ujit në Sarandë/ Rama: Do rinvestojmë

Kryeministri Edi Rama zhvilloi sot një takim përmbyllës elektoral në Sarandë. Në nisje të fjalës së tij, Rama u ndal te problemi me mungesën e ujit në këtë qytet.

Rama u shpreh se janë bërë investime për ujin, por me situatën aktuale kërkohet rinvestim.

Rama tha se investimet në këtë aspekt, do të përmirësojnë jo vetëm jetesën e banorëve të zonës, por do të ndikojnë edhe te turizmi.

Rama shtoi se kjo domosdoshmëri shtohet edhe më shumë gjatë pikut të sezonit turistik. 

“Sa herë kam ardhur këtu, kam gjetur jo vetëm kantiere të reja, por edhe njerëz të përkushtuar. Edhe një qytet gjithmonë e më shumë energjik. Ka shumë gjera që kanë ndryshyar në Sarandë. Ju kam dhënë fjalën se kur të votoni, do të mbështesim më shumë Sarandën.

E veçanta është që këtu është bërë një investim për ujin. Janë bërë shumë më tepër investime në anën tjetër.

Ne nuk kemi asnjë rrugë tjetër përveç se të rinvestohemi për këtë zonë se ajo që shohim janë projekte të reja nga investitorët dhe arkitektë që do rrisin cilësinë në Sarandë dhe numrin e turistëve.  Kjo do të thotë më tepër ekonomi, të ardhura, por edhe përgjegjësi se do ketë më shumë nevojë për ujin e pijshëm dhe në pikun e sezonit në të gjitha orët.

Nuk dua të flas për projetet se ju i shikoni dhe do kemi kohë tjetër për të folur për projekte të Sarandës”,-tha Rama./CNA





Lajmet e fundit nga