web counter
LEXO PA REKLAMA!

SHKARKO APP

App Store
Google Play

Ngjarja me 5 të plagosur në Laç/ Xhaferri: Plumbat po derdhen mbi qytetarët e pafajshëm

3 Maj 2025, 16:09, Politikë CNA

Ngjarja me 5 të plagosur në Laç/ Xhaferri: Plumbat po derdhen

Kryetari i FRPD-së, Besart Xhaferri ka reaguar ndaj ngjarjes së rëndë të ndodhur sot në Laç, ku mbetën të plagosur 5 persona. Në një postim në rrjetet sociale, Xhaferri shprehet se është tejet i tronditur nga ngjarja dhe se plumbat po derdhen mbi qytetarët e pafajshëm.

Xhaferri u shpreh se në atë zonë ka edhe mungesë të mjekëve për t’i kuruar.

Xhaferri tha se pas kësaj ngjarjeje, Ministri i Brendshëm duhet të japë dorëheqjen.

“Jam i tronditur nga ngjarja e rëndë në Laç ku nga  të shtënat e armëve të zjarrit kanë mbetur të plagosur rëndë 5 persona, 4 nga të cilët të rinj dhe një zonjë e moshuar, shitëse ambulante që shiste qirinj në anë të rrugës.

Ngjarja ka ndodhur në qendër të qytetit të Laçit vetëm pak metra larg Postës së Policisë, ç’ka dëshmon se rendi dhe siguria në këtë vend janë në mëshirë të rastësisë.

5 të plagosurit janë nisur drejt Traumës se as në Laç as në Lezhë nuk ka mjekë për ti kuruar.

Ervin Hoxha njeriu që ka shpërndarë policinë për të mbledhur vota për të duhet të dorëhiqet urgjentisht nga posti i Ministrit të Brendshëm”,-reagon Xhaferri./CNA





Lajmet e fundit nga