web counter
LEXO PA REKLAMA!

SHKARKO APP

App Store
Google Play

“Është i infiltruari i Sali Berishës”/ Doshi: Benet Beci u bën presione njerëzve që janë me ndihmë sociale

3 Maj 2025, 10:34, Politikë CNA

“Është i infiltruari i Sali Berishës”/ Doshi: Benet

Partia Socialdemokrate ka zhvilluar një takim me mbështetësit në lagjen “Mark Lula” në Shkodër. Në takim, kryetari i PSD-së, Tom Doshi, hodhi akuza ndaj kryetarit të Bashkisë Shkodër, Benet Beci, se po bën presion ndaj personave me ndihmë sociale.

Doshi tha se Beci nën siglën e PS-së po bën punët e PD-së si kryebashkiak.

“Në 2025 Benet Beci u bën presion njerëzve që janë me ndihmë sociale, po nuk votuat PS-në ua heq ndihmën sociale. Është i infiltruar i Sali Berishës me mision për të shkatërruar PS-në. Në Bashkinë Shkodër nuk ke asnjë drejtor socialist, kanë ardhur të gjithë nga PD-ja që kanë luftuar që Benet Beci të mos vijë në krye të bashkisë. U bëj thirrje socialistëve votoni PSD-në se Beneti do të shkojë në burg. Beci është nën siglën e PS-në, por bën punët e PD-së. Vota për PSD-në është nderi më i madh që i bëjmë Benetit”, tha Doshi.

Doshi kërkoi që të gjithë në Qarkun e Shkodrës të votojnë PSD-në si e vetmja forcë politike që i përfaqëson denjësisht.

“Këta kanë hall se ne në Shkodër marrim 3 deputetë se 2 i kanë pranuar vetë. Të gjithë që punojnë në administratë, të gjithë ata që janë me ndihmë sociale, të gjithë ata që kanë probleme sociale duhet të votojnë PSD-në. Pse duhet ta votojnë PSD-në? Unë kam 29 vite, kam qenë edhe në krye të PS-së për Shkodrën, por karakterin tim të fortë nuk mund ta durojnë servilët e PS-së. Të katërt që janë në listën e mbyllur nuk kanë lidhje me PS-në në Shkodër. Për këtë unë u bëj thirrje socialistëve që të votojnë PSD-në, të votojnë Tom Doshin sepse unë jam deputet”, u shpreh Doshi./ CNA





Lajmet e fundit nga