web counter
LEXO PA REKLAMA!

SHKARKO APP

App Store
Google Play

Vjedhja e zyrës së PD-së në Cërrik/ Alizoti: Në kompjuter ndodheshin listat e sigurta të votuesve

2 Maj 2025, 14:33, Politikë CNA

Vjedhja e zyrës së PD-së në Cërrik/ Alizoti: Në

Drejtuesi politik i PD-së në Qarkun e Elbasanit, Tomor Alizoti, ka reaguar pas vjedhjes së zyrës së PD-së në Cërrik.

Alizoti akuzoi Partinë Socialiste dhe Edi Ramën duke thënë se çdo hajdut në vend është i lidhur me kryeministrin.

 Ai e cilësoi një akt të turpshëm dhe burracak.

“Zoti kryeministër unë e di që jeni një njeri banal, e di që çdo hajdut në Shqipëri është i lidhur me ju, si Sarandë, Shkodër, Elbasan. Ju jeni prirësi i hajdutëve. Keni qenë që te gjyshi dhe deri te ju. Ju jeni vetëm banaliteti. Të jeni i sigurt që është kënaqësia jonë si PD të shtypim njerëzit banalë, kjo që keni bërë sot duke cenuar degët elektorale është një akt i turpshëm, është një akt burracak politik, por është një gjë që vetëm na vërteton se çdo hajdut në Shqipëri, çdo kriminel në Shqipëri është mik i juaji”, u shpreh Alizoti.

Ndër të tjera, Alizoti theksoi se kompjuteri që u vodh mbante listat e sigurta të votuesve të demokratëve i cili është një informacion i PD-së dhe është në duart e kundërshtarit.

“Thyerja e zyrës është akt politik dhe nuk bëhet për sendin, por bëhet për cenimin e një zyre elektorale gjatë fushatës elektorale. Kompjuteri për ata që i njohin zgjedhjet përmban listat e sigurta të votuesve të demokratëve i cili është një informacion i PD dhe është në duart e kundërshtarit. Tani ta shohin të gjithë ata që besojnë te BE-ja, të gjithë ambasadorët, ta shohë edhe SPAK-u pasaportën europiane.

Thirrja ime është për demokratët, të qëndrojmë, thirrja ime është për qytetarët e Elbasanit dhe Shqipërisë, të qëndrojmë dhe të kuptojnë që në BE nuk shkohet me xhepista dhe thyerje xhamash”, tha Alizoti./ CNA





Lajmet e fundit nga