web counter
LEXO PA REKLAMA!

SHKARKO APP

App Store
Google Play

E fundit!

x

Kaubojsi i Rilindjes së Lulit, akuza Pjerin Ndreut: Sulmon fjalën e lirë

2 Maj 2025, 11:19, Politikë CNA

Kaubojsi i Rilindjes së Lulit, akuza Pjerin Ndreut: Sulmon fjalën e

Kaubojsi i Rilindjes, Eduart Ndocaj, që shkoi me Lulzim Bashën për zgjedhjet e 11 majit, ka akuzuar kryebashkiakun e Lezhës, Pjerin Ndreu, për shantazh dhe kërcënim.

Sipas kaubojsit të Rilindjes, që kalon sa te Rama pastaj të Basha, Lezha nuk meriton një përfaqësues që përdor gjuhën e frikës dhe autoritetin për interesa personale.

Ai thotë se Ndreu sulmon hapur fjalën e lirë dhe përpiqet për të mbyllur gojët që guxojnë të flasin.

“Pjerin Ndreu – Shantazhi dhe Kërcënimi si Armë Politike

Në një kohë kur Shqipëria ka nevojë për përfaqësues të denjë, të drejtë dhe të ndershëm, Pjerin Ndreu po shfaqet si shembulli më i qartë i shantazhit dhe kërcënimit politik. Në vend që të përgjigjet me transparencë ndaj akuzave të ngritura ndaj tij, Ndreu zgjedh të dërgojë mesazhe presioni, duke kërcënuar median dhe zërat kritikë me ndjekje penale.

Në një bisedë të publikuar nga JOQ, Ndreu shprehet qartë: “Nëse si hiqni sot dhe vazhdoni ti lejoni do ju denoncoj. Dhe shihemi në prokurori”. Ky është një sulm i hapur ndaj fjalës së lirë, një përpjekje për të mbyllur gojët që guxojnë të flasin.

Lezha nuk meriton një përfaqësues që përdor gjuhën e frikës dhe autoritetin për interesa personale. Ky nuk është lider, por një simbol i regresit politik dhe moral. Qarku i Lezhës ka nevojë për njerëz që përfaqësojnë integritetin dhe qytetarin, jo frikën dhe arrogancën.

Më 11 Maj, Lezha ka një mundësi për ndryshim të vërtetë. Votoni Nr. 4 – Eduart Ndocaj dhe Koalicionin Euroatlantik. Votoni për një të ardhme ku fjala e lirë nuk kërcënohet, por respektohet”, shkruan kaubojsi i Rilindjes./ CNA





Lajmet e fundit nga