Mamica e Ramës: Veliaj ka “kry punë”

1 Maj 2025, 22:34, Politikë CNA

Drejtuesja politike e PS për Tiranën, Elisa Spiropali e ftuar në emisionin “Opinion” nga Blendi Fevziu gati ka deklaruar që Erion Veliaj ka “kry punë”.

Sipas Elisa Spiropalit ai ka merita, por kjo s’do të thotë që ata ta mbrojnë.

Pra sipas Spiropalit, Veliaj ka “kry punë” tani dhe pritet të vazhdojnë gjyqet, seancat dhe të hyjë në burg.

Bashkëthemeluese e “Mjaft”, një nga njerëzit që bashkë me Veliajn ishin disa të rinj të thjeshtë. Tashmë janë kthyer në disa njerëz që jetojnë me luks të shfrenuar.

Njërit i blen gruaja 860 mijë euro veshmbathje, kurse Elisa është kthyer në një madamë apo siç e akuzon Berisha madama 5 milioë euro, kur ka qenë në Drejtorinë e Doganave.

“Kjo është një pyetje për t’u bërë për arsyet elektorale, por unë do e nis nga fakti që ne jemi tmerrësisht të keqardhur për atë që ka ndodhur, në të gjitha pikëpamjet, si nga pikëpamja njerëzore, si kolegë, për një njeri që kemi punuar ndër vite dhe si një njeri që ka padiskutim meritat e tij në PS, por edhe në transformimin e Tiranës. Por të gjitha këto arsye dhe ndjesi tonat kanë shërbyer që të dalim publikisht dhe të mbrojmë politikisht apo me armët e partisë, qoftë dhe Erionin? Një njeri në pozita kaq të larta në PS dhe me një ndikim kaq të lartë siç ju e thoni? Jo, as në këtë rast. Pra në rastin tonë zgjedhja ka qenë shumë e qartë”, tha Spiropali./ CNA