web counter
LEXO PA REKLAMA!

SHKARKO APP

App Store
Google Play

“Tërësisht të sinkronizuar me KE”/ Manja: Në fund të vitit 2026 do plotësohen të gjitha vakancat në drejtësi

1 Maj 2025, 21:58, Politikë CNA

“Tërësisht të sinkronizuar me KE”/ Manja: Në

Ministri i Drejtësisë, Ulsi Manja i ftuar në emisionin “Opinion” ka folur për sistemin e drejtësisë. Manja tha se nuk është dakord që drejtësia është si në Afrikë.

Më tej, ministri u ndal dhe te vakancat në drejtësi, për të cilat tha se do të plotësohen deri në fund të vitit 2016, ndërsa tha se së shpejti do të jenë në Parlament masat e reja për rritjen e eficiencës.

Gjithashtu Manja tha se nuk do të ketë asnjë rishikim të ligjeve pa praninë e drejtësisë së re.

“Drejtësia e re nuk është vetëm SPAK-u, por nuk jam dakord që drejtësia është si në Afrikë. Ne jemi tërësisht të monitoruar dhe sinkronizuar me KE-në.

Vetë organeve të reja u takon të na thonë se çfarë nuk shkon me reformën në drejtësi. Edhe në drejtësinë europiane ka probleme. Procesi i vetingut largoi 57.2% të gjyqtarëve dhe prokurorëve.

Në fund të vitit 2026 do plotësohen të gjitha vakancat në drejtësi. Masat ligjore për rritjen e eficiencës do t’i kemi së shpejti në Parlament. Mos prit përgjigje nga ministri i Drejtësisë për numrin e të paraburgosurve, gjykatat janë të pavarura. Sistemi është ndërtuar i tillë që në hierarki e kontrollon Apeli dhe Gjykata e Lartë.

Raporti i të paraburgosurve është disa herë më i lartë se mesatarja e BE-së. Asnjë rishikim të ligjeve të reformës në drejtësi dhe të kodeve nuk do ketë pa drejtësinë e re në tavolinë”, tha Manja./ CNA

 





Lajmet e fundit nga