web counter
LEXO PA REKLAMA!

SHKARKO APP

App Store
Google Play

E fundit!

x

“Nesër do të kemi rezultat të deformuar”/ Klodiana Lala: Po dërgohen video të votës së diasporës për "shefat"

2 Maj 2025, 08:31, Politikë CNA

“Nesër do të kemi rezultat të deformuar”/ Klodiana

Gazetarja Klodiana Lala ka deklaruar se është zgjedhur mënyra e gabuar për votën e Diasporës.

E ftuar në "MCN TV", gazetarja është shprehur se i kanë mbërritur video ku emigrantët tregojnë votën e tyre.

Ajo ka treguar se ka takuar në terren njerëz të administratës që janë të detyruar të provojnë se kanë siguruar deri në 3 vota nga emigrantët. Gazetarja thekson se ka video që tregojnë emigrantët votat, me qëllim që t'u provohet shefave të patronazhistëve.

Si rrjedhojë gazetarja thotë se në zgjedhjet e 11 majit do të kemi rezultat të deformuar.

“Kam shpresuar që vota e emigrantëve mund të ndihmonte për të sjellë frymë të re. Por u zgjodh mënyra e gabuar për votën e emigrantëve. Më kanë sjellë dhjetëra pamje filmike kur hapin zarfet. Nuk e kanë kuptuar që vota duhet të jetë e fshehtë. Mund të bëhej platformë elektronike, mund të ishte më normale.

Kam takuar në terren njerëz të administratës që janë të detyruar të provojnë se kanë siguruar deri në 3 vota nga emigrantët. Ka video që tregojnë emigrantët votat, me qëllim që t'u provohet shefave të patronazhistëve. Ky është deformim i vullnetit të votave. Dikush për interes, dikush do të ndihmojë njeriun e vet… Nesër do të kemi rezultat të deformuar. Nuk është marrë asnjë masë. E merr ai video, duke votuar”, deklaron gazetarja Klodiana Lala./ CNA





Lajmet e fundit nga