E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kontrata e lobimit fut në sherr Bushatin dhe Dyrnjanë: T’i fusin në burg Saliun e Shkëlzenin, Rama bleu gjithë botën

2 Maj 2025, 08:19, Politikë CNA

Kontrata e lobimit fut në sherr Bushatin dhe Dyrnjanë: T’i fusin

Analisti Andi Bushati është përplasur me Denis Dyrnjanë në lidhje me kontratën e shumëpërfolur të lobimit të PD-së.

Sipas Dyrnjasë, është një autogol i madh, ndërsa për Bushatin le t’i fusin në burg Berishën, Lirinë dhe Shkëlzenin, por nga ana tjetër nënkupton që është Rama që ka blerë gjithë botën.

Debati në "MCN TV"

Dyrnjaja: Te kontrata e shërbimit është citimi “për një parti politike jashtë vendit”. Është e cilësuar në kontratë. Në këtë moment atje nuk kanë një problem, por këtu ka një problem, sepse kur ti merr një donacion përtej asaj që lejohet, 1 milionë lekë të rinj, ti hyn në një marrëdhënie juridike të detyrueshme.

Bushati: T’i hyjë SPAK-u. Ore ata kanë gjetur rrugën e vet për t’u dhënë para amerikanëve se e kanë kuptuar që këto punë bëhen me para. Është e paligjshme? Le të vijë SPAK-u dhe t’i kapë pastaj.

Dyrnjaja: Problemi është pse bëri këtë autogol Berisha?

Bushati: Unë s’e di nëse është autogol, ashtu po e quan ti.

Dyrnjaja: Autogol fatal, ja do të dalë dhe do ta kuptosh. Sepse në Amerikë, ai që ka dalë garantor nuk ka asnjë problem, nëse nuk paguhen paratë, do të paguajë sipas kontratës. Paratë, 750 mijë dollarë janë paguar ndërkohë. Nuk dimë kush i pagoi, si erdhën këto donacione dhe përtej faktit se kush i pagoi ka një pikëpyetje tjetër që këto vijnë për një shërbim të një partie politike, jo të një organizate. Kjo e ekspozon PD-në direkt.

Bushati: Aty e kanë Flamurin, le ta fusin në burg. O e fusin, o s’e fusin.

Dyrnjaja: Jo nuk është Flamuri.

Bushati: Po kush është?

Dyrnjaja: Nuk është Flamuri. Është si rasti i Ilir Metës ky. Është tipikisht si rasti i 700 mijë dollarëve të Ilir Metës, ku u ekspozua edhe Basha, edhe Berisha.

Bushati: Ore ta fusin Saliun, Lirinë, Shkëlzenin, ata në burg i kanë. Puna është do të bërtasin 'skandal' kur Edi Rama ka blerë gjithë botën dhe bërtasim skandal pse ka hedhur lekë edhe PD-ja. Skandal mo. SPAK-un të vetin e kanë, prokurorin të vetin e kanë. Le t’i marrin.

Dyrnjaja: Kaq për çështjen juridike. Sa për çështjen politike, kur Berisha thotë se 6 milionë dollarë do t’i japë se do të çojë fjalë te Departamenti i Shtetit? Po DASH ka raportet e veta.

Bushati: Këta janë idiotë që kanë pasur lekë për t’i harxhuar?/ CNA