web counter
LEXO PA REKLAMA!

SHKARKO APP

App Store
Google Play

Balla, thirrje nga zyrat e DHL-së në Athinë: Shfrytëzoni pesë ditët e mbetura për këtë moment historik

3 Maj 2025, 14:48, Politikë CNA

Balla, thirrje nga zyrat e DHL-së në Athinë: Shfrytëzoni

Në një nga zyrat e DHL-së në Athinë, sot ishte i pranishëm drejtuesi politik i Partisë Socialiste për Diasporën, Taulant Balla, i cili u bëri thirrje bashkatdhetarëve që të shfrytëzojnë pesë ditët e mbetura në dispozicion për të dorëzuar zarfet pranë DHL-së, Kurier apo Speedex.

Balla falënderoi të gjithë emigrantët që u angazhuan në këtë proces.

“Edhe pesë ditë mbeten për të postuar votën tuaj për Shqipërinë Europiane,” tha Balla, i cili ka ndjekur nga afër në disa zona të Greqisë dhe Athinës procesin e pjesëmarrjes së diasporës në zgjedhjet e 11 majit. Ai ka vlerësuar dhe shprehur mirënjohjen për angazhimin e diasporës në këtë moment historik për demokracinë dhe për përmbylljen e anëtarësimit të Shqipërisë në Bashkimin Europian. Dua t’u bëj një thirrje të gjithë bashkatdhetarëve tanë në mbarë Greqinë, jo vetëm këtu në Athinë, që të shfrytëzojnë pesë ditët e mbetura për të dërguar pranë zyrave të DHL-së, Kurier apo Speedex zarfet me fletët e votimit. Sipas Komisionit Qendror të Zgjedhjeve, janë ende rreth 6,000–7,000 fletë votimi të pashpërndara, por unë besoj dhe shpresoj që edhe ato do të shpërndahen për ta përmbyllur me sukses procesin, në Greqi dhe në mbarë botën, kudo që janë shqiptarët. Ata që u regjistruan për të marrë pjesë në zgjedhje—çerek milioni shqiptarë—përbëjnë një arritje të madhe, një fitore për demokracinë tonë dhe këtë moment historik” , tha Balla./ CNA





Lajmet e fundit nga