web counter
LEXO PA REKLAMA!

SHKARKO APP

App Store
Google Play

Takim në Peqin/ Berisha: Diferenca mes rrogës minimale dhe maksimale 14-15 herë, sa asnjë vend tjetër në planet

3 Maj 2025, 11:36, Politikë CNA

Takim në Peqin/ Berisha: Diferenca mes rrogës minimale dhe maksimale

Kryetari i Partisë Demokratike, Sali Berisha, ka qenë i pranishëm në prezantimin e kandidatëve në qytetin e Peqinit.

Në fjalën e mbajtur kryedemokrati tha se në 100 ditët e para të qeverisjes së PD-së nuk do të këtë pension nën 200 euro dhe rrogë nën 500 euro.

Gjithashtu Berisha tha se rroga mesatare do të jetë 1250 euro.

“Po rrogat e larta si u bënë në Shqipëri? Sot zyrtarët shqiptarë marrin rrogat më të larta në Ballkan.

Sot diferenca mes rrogës minimale dhe rrogës më të lartë është 14-15 herë, sa asnjë vend tjetër në planet. Mund të ketë ndonjë sulltan apo ndonjë mbret, por vend që vendos të tillë hendek mes rrogës së lartë dhe të ulët si këtu nuk ka. Ndaj dhe jam sot këtu për të kërkuar nga të gjithë ju, nga të gjithë qytetarët e Peqinit, të gjithë fermerët e Peqinit, të bashkohemi për të votuar ndryshimin. Me votën tonë ne mund të bëjmë jo një ndryshim, por një ndryshim epokal.

Sepse në 100 ditët e para ju siguroj se nuk do ketë pensionist me pension nën 200 euro. Dhe sot me pension nën 172 euro janë 57 për qind e të gjithë pensionistëve. U siguroj se me 11 maj, me votën tuaj, ju bëni një ndryshim epokal sepse pas 11 majit në 100 ditët e para nuk do të ketë rrogëtar me rrogë më të ulët se 500 euro në Shqipëri. Dhe se rroga mesatare do të jetë 1250 euro. Nuk do ketë mësues me rrogë nën 1500 euro", tha Berisha./ CNA





Lajmet e fundit nga