web counter
LEXO PA REKLAMA!

SHKARKO APP

App Store
Google Play

Takimi me të rinjtë/ Peleshi: Ëndrra europiane është në duart tuaja, më 11 maj votohet për Shqipërinë

3 Maj 2025, 19:36, Politikë CNA

Takimi me të rinjtë/ Peleshi: Ëndrra europiane është

Partia Socialiste ka zhvilluar një takim elektoral të posaçëm me të rinjtë e qarkut të Korçës, ku fokusi ishte tek roli vendimtar i rinisë në rrugën europiane të Shqipërisë. Drejtuesi politik i PS për qarkun e Korçës, Niko Peleshi, u ndal në rëndësinë e këtyre zgjedhjeve për brezin e ri, duke theksuar se janë pikërisht të rinjtë ata që do të përfitojnë më shumë nga integrimi i vendit në Bashkimin Europian.

“Sot jemi këtu për të folur për një të ardhme që ju përket juve. Janë të rinjtë ata që do të ndahen me të shkuarën dhe do të vendosin votën e tyre në faqen europiane. E ardhmja e Shqipërisë është e lidhur ngushtë me Europën, dhe është në duart tuaja ta bëni këtë realitet”,- u shpreh Peleshi.

Ai u bëri thirrje të gjithë të rinjve që më 11 maj të votojnë numrin 5 në fletën e votimit, si një zgjedhje për progresin, për mundësi të barabarta dhe për një Shqipëri që ecën përpara me standarde europiane.

Në këtë takim morën pjesë edhe të gjithë kandidatët për deputetë të Partisë Socialiste në qarkun e Korçës, kryetarët e bashkive dhe dhjetëra të rinj, të cilët ndanë historitë dhe angazhimet e tyre në fusha të ndryshme si arsimi, sipërmarrja, teknologjia dhe aktivizmi qytetar.

Të rinjtë shprehën besimin e plotë se Partia Socialiste është e vetmja forcë politike që ka vizionin dhe kapacitetin për të çuar përpara procesin e integrimit dhe për t’i bërë ata të ndihen të barabartë me bashkëmoshatarët e tyre europianë./CNA





Lajmet e fundit nga