web counter
LEXO PA REKLAMA!

SHKARKO APP

App Store
Google Play

“11 maji është fitorja e çdo shqiptari”/ Berisha: Regjimi në 12 vite e shkretoi Shqipërinë

3 Maj 2025, 19:45, Politikë CNA

“11 maji është fitorja e çdo shqiptari”/ Berisha:

Kreu i Partisë Demokratike, Sali Berisha zhvilloi sot takimin përmbyllës të fushatës elektorale për PD-ASHM në qytetin e Fierit. Në fjalën e tij, Berisha theksoi se 11 maji është fitorja e çdo shqiptari.

Berisha u shpreh se në 12 vitet e fundit, Shqipëria gjendet nën një regjim që po shkreton vendin më shumë se çdo luftë, çdo pushtim e çdo fatkeqësi natyrore në të gjitha kohërat.

Berisha tha se PD-ja ka rikthyer shpresën dhe ëndrrat te të rinjtë, nëpërmjet kandidatëve të saj.

“Rikthyet tek të rinjtë shqiptarë ëndrrën e tyre të bukur shqiptare. Rikthyet në rrugë dhe sheshet e këtij vendi, në zemrën dhe mendjet e shqiptarëve, dritën e fitores më 11 maj. E fitores historike, e ndarjes sonë nga një periudhë ndër më të pamerituarat në histori nga një regjim që, në 12 vite shkretoi Fierin dhe Shqipërinë, më shumë se çdo luftë, çdo pushtim, çdo fatkeqësi natyrore në të gjitha kohërat, nga një regjim, i cili në vend që të mundësonte që shqiptarët nga viti në vit të jetonin më mirë me punë dhe djersën e tyre, bëri që ata të varfërohen, sofra e tyre të pakësohej gjithnjë e më shumë dhe alternative e vetme u mbeti atyre, të marrin rrugët e dheut nga një regjim, kryeministri i të cilit, kur erdhi 12 vite më parë në pushtet, e keni parë, mos e harroni kurrë, kalonte krenarisht nga një studio televizive në një studio tjetër, duke iu treguar qytetarëve të vet hekurat, për t’u faktuar se është biri i një xhelati, që urdhëronte varjen e disidentëve dhe që në një vit, arrestoi 37 mijë shqiptarë për kauza për çështje civile, për të cilat nuk arrestohet kush në botë.

Kjo natë 12-vjeçare e ka një fund, dhe fundi i saj është fitorja e çdo shqiptari më 11 maj!

Shqiptaret dhe shqiptarët pas një nate të tillë, u ngritën si feniksi nga hiri në zenit dhe vijnë sot më të sigurtë se kurrë në fitoren e tyre plebishitare, fitoren e çdo shqiptari, fitoren e Fierit dhe të Shqipërisë”,-tha Berisha./CNA





Lajmet e fundit nga