PROFIL/ Kush janë 6 kandidatët e PS-së për zgjedhjet e 9 nëntorit?

7 Tetor 2025, 19:04, Politikë CNA

PROFIL/ Kush janë 6 kandidatët e PS-së për zgjedhjet e 9

Pas mbledhjes në selinë rozë, drejtuesit e qarqeve kanë zbuluar kandidatët për garën për zgjedhjet e pjesshme në 6 bashkitë: Mat, Tepelenë, Berat, Vlorë, Cërrik dhe Tiranë.

PROFIL/ Kush janë 6 kandidatët e PS-së për zgjedhjet e 9

Altin Bojni, kandidat për Bashkinë e Matit

Altin Bojni do të jetë kandidat i PS për të garuar në Bashkinë e Matit. Bojni aktualisht është kryetar i Këshillit Bashkiak dhe drejtor i NJVKSH Mat. Bojni cilësohet si një emër me lidhje të forta me Partinë Socialiste. Ai është diplomuar në ekonomi dhe është prezantuar si një figurë e re e socialistëve në garën për Matin, pas dorëheqjes së Agron Malajt, që kandidojë për deputet.

PROFIL/ Kush janë 6 kandidatët e PS-së për zgjedhjet e 9

Gramos Sako, kandidat për Bashkinë e Tepelenës

Gramos Sako është lindur në Tepelenë, më 19 Janar 1971. Ka ushtruar detyrën e Komandantit të Gardës së Republikës. Ai ka një eksperiencë të gjatë e të larmishme në fushën ushtarake. Pas diplomimit në Akademinë e Forcave Tokësore “Skënderbej”, në vitin 1993 titullohet oficer. Eksperiencën e tij të punës e nisi duke kryer detyrën e Komandantit të Togës në Gardën e Republikës së Shqipërisë, e duke vijuar më pas me kryerjen e detyrave në funksione si: Zëvendës Komandant Kompanie, Përgjegjës i Grupit të Ruajtjes së Ministrit të Rendit Publik dhe Përgjegjës në Grupin e shoqërimit të Kryetarit të Kuvendit, Shef Seksioni në Drejtorinë e Ruajtjes së Personaliteteve të Larta Shtetërore dhe Specialist në Drejtorinë e Kufijve dhe të Migracionit.

Në garën për Bashkinë e Tepelenës garon pasi ish-kryebashkiaku Tërmet Peçi dha dorëheqjen për të garuar në zgjedhjet e 11 majit.

PROFIL/ Kush janë 6 kandidatët e PS-së për zgjedhjet e 9

Ervin Ceca, kandidat për Bashkinë e Beratit

Ervin Ceca është aktualisht kryetar i Komanduar i Bashkisë Berat.Ka punuar për bankat e nivelit të dytë dhe vjen nga një familje e vjetër beratase. Këtë detyrë e e ka marrë më 13 mars pas dorëheqjes së ish-kryetarit Ervin Demo.

PROFIL/ Kush janë 6 kandidatët e PS-së për zgjedhjet e 9

Brunilda Mersini, kandidate për Bashkinë e Vlorës

Për herë të parë, PS do të kandidojë me një grua për Bashkinë e Vlorës. Për të hyrë në këtë garë, Mersini do të lërë vendin e saj në si deputete e Kuvendit, mandat që pritet ta marrë Briseida Çakërri.

PS e konsideron Mersinin një kandidate me përvojë menaxheriale për të mbuluar gjithë vakuumin të krijuar nga dorëheqja e kryetarit të bashkisë, por dhe një figurë me përvojë në të gjatë politike.

PROFIL/ Kush janë 6 kandidatët e PS-së për zgjedhjet e 9

Florenc Doka, kandidat për Bashkinë e Cërrikut

I lindur më 8 qershor 1976 në Cërrik, Doka është një emër i njohur për qytetin e tij. I diplomuar për Jurisprudencë në vitin 1999 në Universitetin “Aleksandër Xhuvani” në Elbasan dhe me titullin Avokat të marrë në vitin 2008, Doka ka pasur një karrierë të gjatë në institucione të ndryshme të sektorit publik.

Ka mbajtur funksionin e Zëvendës Kryetarit të Bashkisë Cërrik. Nga dhjetori 2023 deri në prill 2025, Doka ka drejtuar Institucionin e Ekzekutimeve të Vendimeve Penale në Peqin.

PROFIL/ Kush janë 6 kandidatët e PS-së për zgjedhjet e 9

Ogerta Manastirliu, kandidate për Bashkinë e Tiranës

U lind në Tiranë më 31 dhjetor 1978. Kreu studimet në Fakultetin e Shkencave të Natyrës në Universitetin e Tiranës, ku ka marrë edhe titullin "Master në Shkencë" në degën e Kimisë së Përgjithshme. Ajo mban titullin "Doktor i Shkencave", në Kimi Analitike dhe Mjedis.

Manastirliu ka mbajtur postin e Ministres së Shëndetësisë dhe Mbrojtjes Sociale, në periudhën 2017- 2023.

Prej muajit shtator 2023 e deri në 2025, ka mbajtur postin e Ministres së Arsimit dhe Sportit./CNA