web counter
LEXO PA REKLAMA!

SHKARKO APP

App Store
Google Play

Enver Hoxha në listën e personaliteteve/ Këlliçi, kërkesë Kuvendit: Peleshi të mbajë qëndrim

7 Tetor 2025, 15:00, Politikë CNA

Enver Hoxha në listën e personaliteteve/ Këlliçi,

Deputeti i Partisë Demokratike, Belind Këlliçi, me anë të një postimi ka njoftuar se i ka dërguar një kërkesë zyrtare kryeparlamentarit Peleshi, në lidhje me futjen e emrit të Enver Hoxhës në listën e personaliteteve.

Këlliçi shkruan se edhe pas 24 orësh nuk ka ende një reagim dhe kjo ngarkon me faj kryeparlamentarin dhe mazhorancën.

Deputeti shkruan se qeveria po përpiqet të zhbëjë historinë me një rrëfim të shtrembër mbi diktatorin.

Këlliçi ka kërkuar reagim të menjëhershëm nga Kuvendi dhe të dënojë krimet e komunizmit.

 

 

“Akoma asnjë reagim nga Kryetari i Kuvendit ndaj përpjekjes skandaloze për “rehabilitimin” e diktatorit Enver Hoxha.

Sot, në cilësinë e anëtarit të Byrosë së Kuvendit dhe të deputetit të Republikës së Shqipërisë i dërgova një kërkesë zyrtare Kryetarit të Kuvendit, Niko Peleshi, për të mbajtur qëndrim mbi trajtimin e figurës së Enver Hoxhës si hero i popullit nga vetë Instituti Parlamentar.

Kur kanë kaluar më shumë se 24 orë nga publikimi i rastit të turpshëm dhe fyes për çdo shqiptar, çdo minutë që kalon vetëm sa e ngarkon me faj kryeparlamentarin dhe partinë në pushtet, e cila me metoda perfide mundohet të zhbëjë historinë dhe të justifikojë neodiktaturën me një rrëfim të shtrembër mbi diktatorin.

Kuvendi duhet të reagojë sot, pa asnjë dyshim apo hezitim në dënimin e krimeve të komunizmit.

Çdo gjë tjetër është thellësisht fyese dhe kriminale ndaj dinjitetit të çdo shqiptari që e çmon lirinë, të drejtën dhe shtetin demokratik”, shkruan Këlliçi.

 

Enver Hoxha në listën e personaliteteve/ Këlliçi,

Enver Hoxha në listën e personaliteteve/ Këlliçi,





Lajmet e fundit nga