web counter
LEXO PA REKLAMA!

SHKARKO APP

App Store
Google Play

Sistemi i regjistrimit të votuesve nga jashtë/ Celibashi: Kemi respektuar të gjitha kërkesat e Kuvendit

7 Tetor 2025, 12:08, Politikë CNA

Sistemi i regjistrimit të votuesve nga jashtë/ Celibashi: Kemi

Kryekomisioneri Ilirjan Celibashi ka prezantuar raportin e KQZ-së për vitin 2024, në mbledhjen e përbashkët të Komisionit të Ligjeve dhe atij për Nismat Qytetare.

Gjatë fjalës së tij, Celibashi u ndal te përfundimi i mandatit të anëtarëve të Komisionit Rregullator dhe dorëzimin e disa akteve nga ana e tij, për të cilat tha se i ka dorëzuar brenda afatit të mbarimit të mandateve.

Më tej, Celibashi foli edhe për procesin e regjistrimit të votuesve nga jashtë, për të cilin tha se është i ngjashëm me sisteme të ngjashme në të gjithë botën dhe janë bërë të gjitha verifikimet nga përfaqësuesit politikë. Sa i përket këtij sistemi, Celibashi deklaroi se janë respektuar të gjitha kërkesat në lidhje me integritetin e Kuvendit.

 

“Raporti ndërmjet Komisionerit dhe Komisionit Rregullator, ata vetë kanë të drejtën të mblidhen dhe të miratojnë akte. Unë kam propozuar disa akte që janë në kompetencën e tyre për t’u miratuar. Ua kam propozuar brenda periudhës që kanë qenë në detyrë, detyra e tyre ka përfunduar dje. Përgjegjësia ime ka mbaruar në momentin që kam dërguar propozimet.

Sa i përket procesit të regjistrimit të votuesve nga jashtë sot po dëgjoj për herë të parë që ka qenë problem sistemi i regjistrimit. Sistemi që ne kemi ndërtuar është i krahasueshëm me të ngjashëm kudo në botë. Janë bërë të gjitha verifikimet nga përfaqësues të partive politike. Kemi respektuar të gjitha kërkesat e Kuvendit në lidhje me integritetin e këtij sistemi. Do të duhet të ndryshojmë ose mënyrën e votimit, ose atë të numërimit. Duhet riadresuar. Më shumë se kaq KQZ s’ka se çfarë të bëjë për nxjerrjen e rezultatit”, tha Celibashi.





Lajmet e fundit nga