Fotot/ Sondazhi që nxjerr zbuluar skemën e Agron Shehajt, në prehrin e Ramës

6 Tetor 2025, 21:55, Politikë CNA

Agron Shehaj

Agron Shehaj, kreu i Partisë Mundësia, është vënë në shërbim të kryeministrit Edi Rama, pasi ashtu siç edhe raportoi CNA do të nxjerrë një kandidaturë më vete, duke e përçarë mendimin e forcave opozitare se duhet të dilet me një kandidat të vetëm që do të ketë mbështetjen e të gjithë opozitës.

Ekskluzive-Shehaj në shërbim të Ramës, bën gati kandidatin përballë opozitës
6 Tetor, 21:09

Ka një tjetër detaj që e tregon se është thjesht dhe vetëm një instrument dhe lojë e kryeministrit Edi Rama.

Në një deklaratë të tijën ai na thotë se një kandidat i mirë zgjidhet siç bëjnë të gjitha partitë perëndimore, duke bërë fillimisht një sondazh.

“Qëllimi ynë, e kemi thënë që ditën e parë, nuk ishte që ne të impononin emrin. Nuk na interesonte emri. Ne na interesonte që të kishim një proces që të kishim kandidatin më të mirë, për t’i dhënë Tiranës një kryetar bashkie të pakorruptuar. Kjo ka vetëm një mënyrë për t’u bërë, siç bëjnë të gjitha partitë perëndimore, kur duan të zgjedhin kandidatin më të mirë, është të bësh një sondazh. Vetëm nëpërmjet sondazhi je i sigurt që kandidati që ti po nxjerr është më i miri. Ne nuk mund ta dimë. Ne nuk mund ta bëjmë me hamendje, nëse ky është më i miri ose nëse ai tjetri është më i keqi”, ka deklaruar Shehaj.

Ja sheshi, ja mejdani.

Sondazhin Agron Shehaj e ka publik dhe në rast se nuk e ka parë, po ja evidentojmë.

Ermal Hasimja në reagimin e tij në rrjetet sociale për kandidaturën për Bashkinë e Tiranës, ka mbi 200 pëlqime, ndërsa Florjan Binaj ka mbi 15 mijë pëlqime.

Pelqimet ne statusin e Ermal Hasimes

Pelqimet ne statusin e Florjan Binajt

Është mjaft e qartë se kush ka më shumë mbështetje mes kandidaturave.

Florjan Binaj është mjaft i pëlqyer në publik pasi ka ardhur pranë publikut në disa këndvështrime, si një aktor humori, si një moderator i një emisionin investigativ dhe gjithashtu si aktivist.

Ky është sondazhi dhe zgjedhja e qytetarëve është shumë e qartë. Po ashtu siç është i qartë dhe fakti se Agron Shehaj duke bërë skemën për të nxjerrë një tjetër kandidat i shërben vetëm Edi Ramës.

Tashmë loja është qartë, ja sondazhi që kërkon Shehaj, ja dhe skenari i një kandidaturë të re./ CNA