web counter
LEXO PA REKLAMA!

SHKARKO APP

App Store
Google Play

Zgjedhjet për Bashkinë e Tiranës/ Boçi: Kandidati i pavarur i shton opozitës mundësinë e fitores

6 Tetor 2025, 15:16, Politikë CNA

Zgjedhjet për Bashkinë e Tiranës/ Boçi: Kandidati i

Deputeti demokrat, Luçiano Boçi, deklaroi sot se për Partinë Demokratike dhe opozitën, një kandidat i pavarur për garën për Bashkinë e Tiranës është një gjetje që rrit mundësinë e fitores. 

Në një dalje televizive, Boçi tha se një kandidat i tillë kërkohet nga shoqëria, e aq më tepër nga elektorati gri.

Boçi shtoi se situata e tanishme politike shtyn më tepër qytetarët drejt kapërcimit të kapitalizimit të votës.

 “Një kandidat i pavarur them se është një gjetje që rrit mundësinë e një fitoreje të mundshme për një parti që dihet se si e merr votën. Për disa duket edhe më vulnerabël se nuk ka mekanizma mbrojtës ngaqë nuk është politik. Mënyra e bërjes së fushatës do të vijë nga pjesa mbështetëse e PD-së. Është jo vetëm për partitë, por edhe për shoqërinë. Shoqëria jonë është politizuar. Ka qenë kundërshtuese e figurave politike dhe jopolitike. Edhe pse kanë qenë figura të rëndësishme ne profesionet e tyre. Dhe për këtë nuk kanë pasur mbështetje. Kanë dashur të shohin një të ngjashmin e tyre. Kanë arritur një moment ku secili e kërkon. Dhe shtresa gri ka qenë gjithmonë kërkuese e këtij formati. Duke gjykuar partitë politike, gjykon edhe kandidiatin. Dhe kjo pjesë gri, e gjej më të motivuar që të shkojë në kutitë e votimit. Në këtë situatë kriminale është vetë shoqëria që përdor forcën dhe kapërcen edhe kapitalizimin e votës. Procesi është i afërt, i mundshëm dhe nuk varet gjithçka nga ne. Në këtë rast është edhe angazhimi i opozitës për kandidatin”,-tha Boçi./CNA

 

 





Lajmet e fundit nga