web counter
LEXO PA REKLAMA!

SHKARKO APP

App Store
Google Play

Çel punimet në Durrës samiti i Brdo-Brijunit/ Në fokus, integrimi i Ballkanit Perëndimor në BE

6 Tetor 2025, 09:47, Politikë CNA

Çel punimet në Durrës samiti i Brdo-Brijunit/ Në fokus,

Samiti 2-ditor i Brdo-Brijunit mbahet këtë vit në Shqipëri në datat 5 dhe 6 tetor.

Liderët e vendeve të Ballkanit Perëndimor do të mblidhen në Durrës, në fokus pritet të jenë çështjet që prekin rajonin, si dhe proceset integruese të Ballkanit Perëndimor. 

Temat e diskutimeve lidhen me bashkëpunimin rajonal, marrëdhëniet e fqinjësisë së mirë, integrimin europian, Planin e Rritjes së BE-së, rininë dhe hartimin e politikave për mbajtjen e fuqisë së kualifikuar punëtore, sidomos të rinisë.

Veç Seancës Plenare dhe Konferencës për Shtyp që Presidenti Begaj do të mbajë së bashku me homologët e Sllovenisë dhe Kroacisë, gjatë punimeve të këtij samiti janë parashikuar edhe takime dypalëshe mes liderëve pjesëmarrës.

Ky samit pritet të dalë me konkluzionet përkatëse, të cilat konsiderohen si shtysë për rritjen e bashkëpunimit mes vendeve pjesëmarrëse dhe progresit të tyre. 

Shqipëria, Kosova, Mali i Zi, Maqedonia e Veriut, Bosnjë dhe Hercegovina dhe Serbia janë pjesë e Procesit të Brdo-Brijuni-t, iniciativë e vitit 2010 e Sllovenisë dhe Kroacisë, dy shtete anëtare të BE-së. 

Agjenda e samitit për ditën e sotme:

E hënë, 6 tetor 2025

10:30-10:50 - Ceremonia zyrtare e mirëseardhjes. 

Pritja e krerëve të delegacioneve nga Presidenti i Republikës, Sh. T. Z. Bajram Begaj, Presidentja e Sllovenisë, Natasa Pirc Musar, dhe Presidenti i Kroacisë Zoran Milanoviç. 

Foto familjare. 

11:00-13:00 - Seanca plenare. 

11:05 - Fjala hapëse nga Presidenti Begaj. 

13:00 - Konferenca e përbashkët për shtyp e Presidentëve: Begaj, Pirc Musar dhe Milanoviç./CNA





Lajmet e fundit nga