web counter
LEXO PA REKLAMA!

SHKARKO APP

App Store
Google Play

E fundit!

x

Lirohet pika e bllokimit të mjeteve të konfiskuara në Vlorë/ Koçiu: Plane zhvillimi nga pushteti vendor

5 Tetor 2025, 13:55, Politikë CNA

Lirohet pika e bllokimit të mjeteve të konfiskuara në Vlorë/

Ministrja e Punëve të Brendshme Albana Koçiu së bashku me ministrin e Mbrojtjes Pirro Vengu, ishin të pranishëm në Vlorë ku është liruar një pikë e grumbullimit të automjeteve të konfiskuara.

Koçiu tha se ky proces po zbatohet në bashkëpunim mes Policisë së Shtetit, AAPSK-së, Drejtorisë së Rezervave Materiale të Shtetit, bashkive dhe institucioneve të tjera.

Ministrja deklaroi se këto zona synohen të kthehen në zona që mund t’i përdorë pushteti vendor.

 

"Jemi në zonën e Nartës, është një nga 24 pikat e bllokimit në të gjithë vendin që Policia e Shtetit përdor për të gjithë automjetet e konfiskuara dhe të sekuestruara.

Në fakt, që prej fillimit të muajit shtator, së bashku me AAPSK, kemi nisur një fushatë mbarëkombëtare për të pastruar të gjitha këto pika, të cilat zënë një sipërfaqe të konsiderueshme në të gjithë territorin e vendit, për t’i sistemuar, për të seleksionuar të gjitha ato mjete, që aktualisht kanë prej vitesh të depozituara. Siç mund ta shikoni, janë plotësisht jashtë funksionit. Agjencia, gjatë këtij muaji ka bërë një punë të lavdërueshme duke seleksionuar dhe evidentuar të gjitha mjetet, që ndodhen në këto pika, e janë për skrap apo për prova materiale, dhe janë të detyrueshme për t’u mbajtur nga Policia e Shtetit, si dhe të gjitha ato mjete që mund të jenë për përdorim e të cilat përmjet një plani që Agjencia ka hartuar, do t’i shpërndahen institucioneve publike për t’u përdorur prej tyre. Në vijim të këtij aksioni të pastrimit të sipërfaqeve, ajo që jemi duke bërë është t’i shndërrojmë këto zona, në zona jo vetëm të pastra, por edhe në zona që fare mirë mund t’i përdorë pushteti vendor për të hartuar plane zhvillimi e për t’i kthyer komuniteteve në zona, kënde lojërash apo argëtimi për fëmijët por edhe për t’u përdorur nga institucionet publike, për qëllime apo interes publik", tha Koçiu.





Lajmet e fundit nga