web counter
LEXO PA REKLAMA!

SHKARKO APP

App Store
Google Play

E fundit!

x

Garojnë të vetëm në zgjedhje/ Qori: Jemi alternativë ndaj sistemit

4 Tetor 2025, 21:17, Politikë CNA

Garojnë të vetëm në zgjedhje/ Qori: Jemi alternativë

Kryetari i Lëvizjes “Bashkë”, Arlind Qori i ftuar në Euronews, ka thënë se vendosën të garojnë të vetëm në zgjedhje pasi partia e tij e sheh veten si alternativë ndaj sistemit.

Qori u shpreh se do të donin të fitonin Tiranën, megjithatë sukses do të ishte dhe një rezultat më i mirë se herët e tjera.

Më tej, kreu i Lëvizjes “Bashkë” tha se pakënaqësia e qytetarëve është kombinuar me shpresën për një ndryshim rrënjëshor.

“Unë kam kandiduar në vitin 2023 për kryetar dhe patëm një rezultat të mirë. E njoh mirë qytetin, njoh problemet e qytetit dhe i përjetoj vetë ato. Lëvizja BASHKË e projekton veten si një alternativë ndaj sistemit prandaj vendosëm të shkojmë të vetëm në zgjedhje.

Sigurisht, në garë hyhet për të pasur sukses. Do të donim të kryesonim Bashkinë e Tiranës, por për ne sukses do të ishte dhe po të merrnim një rezultat më të mirë se herët e tjera. Duam që qytetarët të përqafojnë idetë tona. Jam optimist më shumë se kurrë, dhe kuptoj që pakënaqësia e qytetarëve është kombinuar me shpresën për një ndryshim rrënjësor”, tha Qori./CNA





Lajmet e fundit nga