web counter
LEXO PA REKLAMA!

SHKARKO APP

App Store
Google Play

E fundit!

x

Kapitulli i ri i Mbrojtjes Civile/ Demo: Do të rrisim kapacitetet në bashkitë e vendit

4 Tetor 2025, 09:51, Politikë CNA
Kapitulli i ri i Mbrojtjes Civile/ Demo: Do të rrisim kapacitetet në
Ervin Demo

Ministri i Shtetit për Pushtetin Vendor, Ervin Demo, ka mbajtur fjalën e tij në aktivitetin për kapitullin e ri të mbrojtjes civile nëpërmjet transformitit të Forcës zjarrfikëse dhe inovacionit.

Demo u shpreh se fokusi do të jetë rritja e kapaciteteteve në bashkitë e vendit. Ministri u shpreh se bashkitë do të kenë edhe mbështetje financiare që do të jepet duke u bazuar në performancën e tyre.

"Vit pas viti sfidat me të cilat përballemi gjatë verës janë rritur. Ne kemi disa nisma të rëndësishme dhe zjarrfikësit janë ndër to. Fokusi ynë në vazhdim është rritja e kapaciteteve në bashki. Akademia e pushtetit vendor është e fokusuar për rritjen e këtyre kapaciteteve. Besoj është shumë e rëndësishme kur flasim për mënyrën si do ecin bashkitë në vazhdim. Mbështetja financiare është shumë e rëndësishme, por kjo duhet të bazohet mbi performancën. Nëse marrim pikat kryesore ku mbështetet granti i performancës, është plani i menaxhimit të pyjeve. Nëse realizohet ashtu si duhet ul riskun e zjarreve. Sepse parandalimi krijon më pak situata, ku më pas të gjitha nivelet duhet të jenë të përfshira. Një bashkëpunim i ngushtë do të bëjë të mundur të kemi një sistem koherent. Duke filluar nga 2026 rritja e kapaciteteve vendore do të jetë e ndjeshme dhe futja e niveleve te reja të ndërmjetme mes pushtetit vendor dhe atij qendror do të jetë jetik në luftën ndaj emergjencave në territor", u shpreh ministri Demo./ CNA





Lajmet e fundit nga