web counter
LEXO PA REKLAMA!

SHKARKO APP

App Store
Google Play

E fundit!

x

Kapri propozon Shehajn: Potencial për të garuar për kryetar në Bashkinë e Tiranës

3 Tetor 2025, 22:35, Politikë CNA

Kapri propozon Shehajn: Potencial për të garuar për kryetar

Deputeti Erald Kapri propozoi sot emrin e deputetit dhe kreut të Partisë Mundësia, Agron Shehaj si kandidat për Bashkinë e Tiranës.

Në një studio televizive, Kapri deklaroi se e djathta nuk ka ftuar asnjëherë përmes figurave të plota ose të rënda politike.

Kapri shtoi se për garën për kryeqytetin, opozitës i duhet një figurë që të sjellë unifikim.

“E djathta në të gjitha garat ka tentuar të ketë një figurë të plotë politike ose një figurë të rëndë politike. Cili është rezultati? S’ka fituar. Tani, të bësh të njëjtin gabim nuk do të thotë të presësh rezultate ndryshe. Pra, kur themi një kandidat jopartiak, do të thotë jo një anëtar apo një person që identifikon një parti të caktuar. Po flasim për një person publik, me integritet të lartë, një njeri të pakorruptuar që të bëjë kontrast me palën tjetër. Po qe për kandidat të fortë unë ua them që zoti Shehaj është një potencial për të garuar për kryetar në Bashkinë e Tiranës.Unë nuk po them që nuk kemi kandidat partiak ose nuk ka kandidat të mirë brenda partisë, PD-ja apo forcat e tjera. Por ne po flasim për një figurë që të unifikojë gjithë opozitën, të bashkojë gjithë votën opozitare dhe të shkojë përtej”,-tha Kapri./CNA

 





Lajmet e fundit nga