web counter
LEXO PA REKLAMA!

SHKARKO APP

App Store
Google Play

“PD ka 3 alternativa”/ Këlliçi: Opsion, dalja me një kandidaturë të pavarur nga radhët akademike ose biznesi

3 Tetor 2025, 20:18, Politikë CNA

“PD ka 3 alternativa”/ Këlliçi: Opsion, dalja me

Deputeti i Partisë Demokratike, Belind Këlliçi tha sot se PD-ja ka 3 alternativa për mënyrën sesi do hyjë në zgjedhjet e 9 nëntorit.

Në një dalje televizive, Këlliçi u shpreh se një nga opsionet është dalje më një kandidaturë të pavarur nga radhët akademikr, biznesi ose shoqëria civile.

Këlliçi shtoi se altërnativat do të diskutohen nesër në takimin me Kryesinë sepse sipas tij, këto zgjedhje janë më shumë se një betejë politike.

“Partia Demokratike ka 3 alternativa se si mund të futet në zgjedhje. Mund të futet me një kandidaturë të sajën të fortë politike, ju garantoj se ka disa personalitete politike në PD, por nuk mund t’i përmend se jam pjesë e ekipit të përzgjedhjes, janë zonja që kanë udhëhequr aksione politike e kanë qenë me mua.

Kemi opsionin e dytë që mund të dalim me një kandidaturë në emër të PD që vjen nga radhët akademike, të biznesit apo shoqërisë civile që i atashohet PD. Por duke patur qëllim maksimalizimin e votave dhe krijimin e një fronti më të gjerë opozitar përballë Manastirliut që ne e konsiderojmë shumë të dobët ne kemi dhe alternativën e tretë që mos dalim si PD por të dalim si një front i unifikuar si koalicion.

Është hedhur dhe ideja që do ta diskutojmë nesër në mbledhjen e kryesisë, që të dalim dhe me një kandidaturë të pavarur e mbështetur nga të gjithë partitë e opozitës për të dhënë mesazhin që PD po sheh përtej vetes për ti dhënë mundësisë Tiranës të gjejë një menaxher të mirë. Kjo nuk është një betejë vetëm politike”,-tha Këlliçi./CNA

 





Lajmet e fundit nga