web counter
LEXO PA REKLAMA!

SHKARKO APP

App Store
Google Play

E fundit!

x

“Do jetë kandidat politik”/ Bylykbashi: PD ka 3 emra për garën për Bashkinë e Tiranës

3 Tetor 2025, 22:16, Politikë CNA

“Do jetë kandidat politik”/ Bylykbashi: PD ka 3 emra për

Deputeti demokrat, Oerd Bylykbashi ndau sot detaje lidhur me figurën e synuar nga Partia Demokratike si kandidat për Bashkinë e Tiranës.

I ftuar në A2CNN, Bylykbashi tha se PD-ja ka 3 emra si kandidatë të mundshëm për garën për kryeqytetin.

Bylykbashi shtoi se opozita fillimisht do të gjejë modelin, më pas do të zgjedhë personin që i atashohet më mirë atij modeli.

“Fokusi është gjetja e modelit, që i përshtatet një serie rrethanash, në funksion të objektivit që është fitorja e zgjedhjeve. Do të jetë kandidat politik, për të cilin palët bien dakord. Edhe nëse nuk ka ekspozimin e radhës së parë politike, mbetet një figurë që investohet politikisht nga opozita.

Ajo që ka bërë PD-ja është hapja e një fronti sa më të madh dhe për të farkëtuar një lidhje mes partive opozitare, që do të jetë garancia e fitores. Ne e pamë edhe në zgjedhjet e fundit, që koalicionet e përbërë nga interesa të paqarta, prodhuan konflikte për mandate.

Qasja jonë ka qenë te modeli që do të prodhojë kandidatin. Për të tre emrat e lakuar kam shumë respekt, por nuk janë vetëm këto emra. Ka edhe të tjerë. Kur të gjejmë modelin, do të zgjedhim personin që i atashohet më mirë atij modeli”,-tha Bylykbashi./CNA





Lajmet e fundit nga