web counter
LEXO PA REKLAMA!

SHKARKO APP

App Store
Google Play

E fundit!

x

Rama “sanksionon” zjarrvënësit: Aty ku digjen pemë, nuk do të jepet leje ndërtimi për 30 vjet

4 Tetor 2025, 10:16, Politikë CNA

Rama “sanksionon” zjarrvënësit: Aty ku digjen pemë,

Kryeministri Edi Rama është shprehur sot se humbjet e këtij viti nga zjarret kanë qenë në përmasa historike. Gjatë fjalës së tij, Rama ka vlerësuar Policinë e Shtetit për punën e tyre në sezonin e zjarreve dhe kapjen e zjarrvënësve.

Kreu i qeverisë njoftoi po ashtu se në vendet ku do të vihen zjarre, do të ndalohen ndërtimet për 30 vjet. Ai theksoi se në territoret ku do t’u vihet zjarri pemëve për të liruar vend për ndërtime, nuk do të jepet asnjë leje ndërtimi dhe ai territor do të rimbillet.

"Humbjet e këtij viti kanë qenë humbje historike, si në pyje edhe në bagëti. Kjo luftë kërkon durim dhe forcë. Ndërkohë që teknologjia vijon të prodhojë dronë inteligjentë për të kapur sinjalin. Dua të bëj një vlerësim për policinë e shtetit. Në këtë sezon policia ka qenë në gjendje të identifikojë dhe arrestojë psikopatë dhe kriminelë që vënë zjarre. Kemi bërë një ndërhyrje ligjore që aty ku vihet zjarr do të ndalohet çdo lloj leje ndërtimi për 30 vjet. Nëse është një territor që hap oreks për t'u ndërtuar, nëse digjet aty do të ndalohet leja e ndërtimit për 30 vjet. Dhe ai territor do të rimbillet. Për këtë po punojmë me Ministrinë e Mbrojtjes për të sjellë dronët mbjellës, për ripërtëritjen e territoreve të djegura. Për këtë do të angazhohet edhe Ministria e Mjedisit", u shpreh Rama./CNA





Lajmet e fundit nga