web counter
LEXO PA REKLAMA!

SHKARKO APP

App Store
Google Play

E fundit!

x

Teliti: Bashkia e Tiranës po i shpenzon taksat për rrogat e administratës, jo për investime

5 Tetor 2025, 13:23, Politikë CNA
Teliti: Bashkia e Tiranës po i shpenzon taksat për rrogat e
Dorian Teliti

Këshilltari për Çështjet Ekonomike në PD, Dorjan Teliti, përmes një postimi në rrjete sociale shprehet se bashkia e Tiranës ka dështuar dhe braktisur investimet në programet kryesore.

Teliti shkruan gjithashtu se qytetarët para se të votojnë më 9 nëntor, duhet të pyesin fillimisht veten se ku kanë shkuar taksat e Tiranës.

Sipas tij, paratë e mbledhura nga taksat kanë shkuar për paga dhe shpenzime të një administrate super të fryrë, por jo për investime në dobi të kryeqytetit.

Postimi i plotë:

KUR TË VOTONI NË 9 NËNTOR PYESNI VETEN - KU SHKUAN TAKSAT E TIRANËS?

120 milionë euro, në vetëm 8 muaj, janë marrë nga xhepat e familjeve dhe bizneseve nga taksat e tarifat vendore të rritura ndër vite.

Por ku kanë shkuar këto para? Shkuan për paga dhe shpenzime operarive të një administrate super të fryrë, por jo për investime në dobi të kryeqytetit.

Vetëm 24% e planit 8-mujor të investimeve është realizuar, madje investimet në programet kryesore të Bashkisë janë braktisur:

1. Mbrojtja nga zjarri dhe mbrojtja civile – vetëm 6% realizim investimesh

2. Mbështetja për zhvillimin ekonomik – vetëm 10%

3. Siguria ushqimore dhe mbrojtja e konsumatorëve – vetëm 2%

4. Rrjeti rrugor rural – vetëm 23%

5. Transporti publik – vetëm 6%

6. Arsimi bazë (përfshirë parashkollorin) – vetëm 41%

7. Arsimi i mesëm – vetëm 50%

8. Strehimi social – vetëm 7%

9. Dhe "qershia mbi tortën e braktisjes" ujitja dhe kullimi në fshatrat e Tiranës – 0 investime, zero absolut!

Qytetarët paguajnë çdo ditë më shumë, ndërsa bashkia ofron më pak.

Kjo është fytyra e paaftësisë dhe abuzimit!

Ndaj kur të votoni, kujtoni këto fakte. Kujtoni 120 milionë eurot që dolën nga xhepi juaj vetëm në këto 8 muaj dhe mungesën e çdo investimi real në qytet e fshatrat e Tiranës.





Lajmet e fundit nga