web counter
LEXO PA REKLAMA!

SHKARKO APP

App Store
Google Play

E fundit!

x

"Institucionet t'i japin fund abuzimit me pronën"/ Denoncimi i PD për Bashkinë Kamzë

5 Tetor 2025, 13:03, Politikë CNA

"Institucionet t'i japin fund abuzimit me pronën"/ Denoncimi

Zëdhënësja për antikorrupsionin në PD, Genta Vangjeli ka denoncuar një rast të shkeljes së pronës nga Bashkia e Kamzës.

Vangjeli ka bërë publik shqetësimin e një qytetari i cili është i pajisur me certifikatë pronësi dhe dokumentacion kadastral, por Bashkia Kamës pretendon pronësi për tokën e tij.

 

Deklarata e Vangjelit

Xhemal Agolli ju drejtua PD për të sjellë zë për pretendimin e tij lidhur me mohimin e të drejtës së pronës nga bashkia Kamëz.

Zotëria si pronar i ligjshëm i pajisur me certifikatë pronësie dhe planin e rilevimit sipas hartës kadastrale referente, denoncoi përballjen e tij me një akt arbitrar të Bashkisë Kamëz, e cila ka vendosur një tabelë në pronën e tij duke e shpallur atë si pronë të bashkisë.

Në përgjigje të ankesës së Agolli, me anë të shkresës së saj datë 24 Shtator, bashkia Kamëz thekson se referuar dokumentacionit bashkëlidhur paraqitur nga ankimuesi, rezulton se pasuria për të cilën ai disponon dokumentin e pronësisë pozicionohet grafikisht mbi pasurinë e certifikuar në emër të bashkisë Kamëz.

Në këto kushte Agolli i kërkohet të saktësojë dhe azhornojë hartën kadastrale.

Bashkia Kamëz citon se pronësia e saj mbi pasurinë buron nga VKM nr. 775, datë 05.09.2013 ‘Për miratimin e listës përfundimtare të pronave që transferohen në pronësi të bashkisë Kamëz dhe prandaj pasuria nr. 42/26 zk2066 me sip 10000 m2, lloji I pasurisë shkëmbore dhe prona është transferuar në pronësi të bashkisë Kamëz gjithashtu është certifikuar në vitin 2020 ndërsa harta kadastrale është rifreskuar në vitin 2024.

Por Agolli disponon një shkresë të vetë Bashkisë Kamëz të datës 22.05.2015, pra dy vite pas miratimit të VKM-së mbi të cilën sot bashkia pretendon pronësinë, e cila konfirmon saktësimin e dokumentacionit të tij dhe numrin e pasurisë.

Në këto kushte, Partia Demokratike kërkon nga institucionet përgjegjëse të reflektojnë në shqetësimin e qytetarëve për ti dhënë fund abuzimit me të drejtën e pronës si një nga të drejtat themelore të garantuara nga Kushtetuta.





Lajmet e fundit nga