web counter
LEXO PA REKLAMA!

SHKARKO APP

Zyrtarizoi kandidaturën për Bashkinë e Tiranës/ "Shqipëria Bëhet" mbështet Florjan Binajn

6 Tetor 2025, 07:38, Politikë CNA

Zyrtarizoi kandidaturën për Bashkinë e Tiranës/

Lëvizja “Shqipëria Bëhet” ka vendosur të mbështesë në zgjedhjet e pjesshme lokale për Bashkinë e Tiranës, emrin e aktorit Florjan Binaj.

Lajmi është konfirmuar nga kreu i lëvizjes, Adriatik Lapaj. Lëvizja “Shqipëria Bëhet” njoftoi se do të mbështeste në këtë zgjedhje kandidatët e pavarur.

Aktori Florjan Binaj zyrtarizoi kandidaturën e tij për bashkinë e kryeqytetit dy ditë më parë.

Dy ditë më parë propozuam që kandidatët për bashkitë në këto zgjedhje për shkak të situatës së jashtëzakonshne duhet të vinin nga radhët e qytetarëve të angazhuar dhe jo nga marrëveshjet e partive politike. Deklaruam se do të mbështesnim një prej kandidatëve të pavarur që do të shpallnin kandidimin në këto zgjedhje.

Duke shprehur vlerësimin për të gjithë ata që janë deklaruar, kryesia e Lëvizjes "Shqipëria Bëhet" ka vendosur që në Bashkinë Tiranë të mbështesë kandidatin e pavarur Florjan Binaj. Ky vendim bazohet te vullneti ynë i mirë dhe bindja që Shqipëria vlen mbi partinë”, shkruan Lapaj.

 

Zgjedhjet e pjesshme lokale do të mbahen më 9 nëntor në 6 bashki të vendit.

Përveç Tiranës, zgjedhje do të mbahen edhe në bashkitë e Vlorës, Matit, Tepelenës, Cërrikut dhe Beratit./CNA





Lajmet e fundit nga