web counter
LEXO PA REKLAMA!

SHKARKO APP

App Store
Google Play

“T’i japim Tiranës një kryetar të pakorruptuar”/ Shehaj: Opozita të zgjedhë kandidatin që ka më shumë shanse për të fituar

5 Tetor 2025, 17:11, Politikë CNA

“T’i japim Tiranës një kryetar të

Kreu i Partisë Mundësia, Agron Shehaj tha sot se është i lumtur që partitë opozitare pranuan formulën e tij për daljen me një kandidat jopartiak në zgjedhjet për Bashkinë e Tiranës.

Në një hapësirë televizive, Shehaj u shpreh se për opozitën është e rëndësishme që të zgjedhë kandidatin që ka më shumë shanse të fitojë.

Shehaj shtoi se është koha që opozita t’i japë kryeqytetit një kryetar bashkie të pakorruptuar.

“Sigurisht që jam i lumtur për këtë gjë dhe tregon se partitë opozitare e kanë pranuar këtë formulë, kanë dëshirë që t’i afrohen fitores për zgjedhjet e 9 nëntorit. E pres pozitivisht dhe më bëhet qejfi që Berisha i bëri thirrje edhe kandidatëve të tjerë. Edhe sa më shumë kandidatë të kemi, aq më mire është. Janë kandidatë që kanë plotësuar kushtet dhe jam i lumtur që kanë shprehur interesin. Do doja të ishin edhe të tjerë. E rëndësishme nuk është ai që preferoj unë, por është që të zgjedhim kandidatin i cili ka ka shumë shance për të fituar zgjedhjet e ardhshme.

Dhe këtë do ta bëjmë edhe nëpërmjet takimeve ose në mënyrë transparente dhe perëndimore. Unë e kam bërë këtë propozim para disa ditësh. Unë i kam bërë propozim edhe partive opozitare që duan të mbështesin një kandidat jashtë partive politike, të gjithë bashkë të pajtojnë një kompani të huaj perëndimore, e cila brenda pak ditësh mund të na thotë se cila mund të jetë fituesja. Brenda dy ditëve besoj se mund të dalin përfundimet e sondazhit. Fushata do të zgjasë pak javë. Sondazhi profesional do të jetë mënyra më e mirë për të marrë vendimin për kandidatin më të mirë.

Unë kam tre muaj që kam hedhur idenë e kësaj formule për të patur një kandidat jashtë partive politike. Opozita gjithmonë do të vendoset në vështirësi nga mazhoranca, por do të shfrytësojmë hapësirat që kemi dhe të vazhdojmë të punojmë. Rama detyroi Presidentin të dilte kundër Kushtetueses. Kemi 12 vite që provojmë në të njëjtën rrugë dhe duhet të provojmë një rrugë të re. T’i japim Tiranës një kryetar të pakorruptuar”,-tha Shehaj./CNA





Lajmet e fundit nga