web counter
LEXO PA REKLAMA!

SHKARKO APP

App Store
Google Play

Kërkesa për shkarkimin e Peleshit/ Kaso: Kryeministri drejton seancat, jo kryetari

6 Tetor 2025, 11:59, Politikë CNA

Kërkesa për shkarkimin e Peleshit/ Kaso: Kryeministri drejton seancat,

Deputeti i Partisë Demokratike, Ivi Kaso, i pranishëm në mbledhjen e Këshillit të Legjislacionit ka paraqitur pretendimet e opozitës në lidhje me shkarkimin e kryeparlamentarit Niko Peleshi.

Kaso tha se Peleshi ka kryer veprime në shkelje me Kushtetutën dhe rregulloren e Kuvendit.

Opozita pretendon se Peleshi si kryetar i Kuvendit ka treguar njëanshmëri në detyrën e kryeparlamentarit.

Kaso tha se mazhoranca po bën të kundërtën e asaj që zotohet publikisht.

Referuar seancës së datës 18 shtator, ku u prezantua programi i Këshillit të Ministrave, Kaso tha se janë konsumuar shkeljet më të rënda.

Kjo seancë, u shpreh Kaso, u drejtua nga kryeministri Rama dhe jo nga kryetari i Kuvendit.

“Peleshi ka kryer veprime në shkelje të hapur me Kushtetutën dhe rregulloren e Kuvendit. Ka treguar njëanshmëri të Kuvendit, detyrë, e cila sapo i ishte besuar. Thyerjen e një tradite parlamentare, që ndryshimi i rregullores së Kuvendit bëhej me marrëveshje. Kjo mazhorancë ditë pas dite po bën të kundërtën e asaj që zotohet publikisht. Këto seanca të deritanishme kanë shënuar që është kryetari i grupit parlamentar të PS-së që dikton vendimet dhe jo kryetari i Parlamentit. Në seancën më të rëndësishme, ku diskutohet programi i Këshillit të Ministrave, u jepet e drejta deputetëve të opozitës të drejtojnë pyetjet, janë konsumuar shkelje të rënda, duke shkelur rregulloren që sapo kishte hyrë në fuqi. Kryeministri i Shqipërisë praktikisht drejtori seancën e datës 18 dhe jo kryetari i Kuvendit. Lideri i mazhorancës diktoi mënyrën si do të drejtohej seanca. Kishte uzurpuar drejtimin e seancës plenare”, tha Kaso./CNA





Lajmet e fundit nga