web counter
LEXO PA REKLAMA!

SHKARKO APP

App Store
Google Play

8 komisione parlamentare mblidhen ditën e sotme/ Nga raporti vjetor i KQZ-së te projektligji për BERZH

7 Tetor 2025, 08:06, Politikë CNA

8 komisione parlamentare mblidhen ditën e sotme/ Nga raporti vjetor i

Dita e sotme është një ditë e ngjeshur për politikën ku do të mblidhen 8 komisione parlamentare.

Në orën 09:00, Komisioni për Burimet Natyrore, Infrastrukturën dhe Zhvillimin e Qëndrueshëm do të zhvillojë mbledhje të përbashkët me Komisionin për Nismat Qytetare, Bashkëpunimin dhe Mbikëqyrjen Institucionale. Mbledhja do të zhvillohet për raportin vjetor të Entit Rregullator të Energjisë dhe Entit Rregullator të Ujit, për vitin 2024.

Komisioni për Ekonominë, Punësimin dhe Financat mblidhet sot në orën 09:30. Në rend dite është konstituimi i komisionit dhe diskutime mbi draft-kalendarin e punimeve të komisionit.

Komisioni për Nismat Qytetare, Bashkëpunimin dhe Mbikëqyrjen Institucionale dhe Komisioni i Çështjeve Ligjore dhe Administratën Publike do të zhvillojnë mbledhje të përbashkët, duke nisur nga ora 10:00.

Në rend dite të mbledhjes është raporti vjetor i KQZ-së dhe raporti i Autoritetit për Informimin mbi dokumentet e Ish-Sigurimit të Shtetit.

Gjithashtu do të prezantohet raporti i veprimtarisë vjetore të Avokatit të Popullit, në mbledhjen e përbashkët me Komisionin për të Drejtat e Njeriut dhe Mjetet e Informimit Publik.

Komisioni për Ekonominë, Punësimin dhe Financat nis mbledhjen në orën 13:00. Në rend dite është shqyrtimi i projektligjit "Për ratifikimin e marrëveshjes së grantit, ndërmjet Republikës së Shqipërisë dhe Bankës Europiane për Investime, për projektin “Infrastruktura Hekurudhore e Korridorit VIII, faza I–Shqipëri”. /CNA





Lajmet e fundit nga