web counter
LEXO PA REKLAMA!

SHKARKO APP

App Store
Google Play

Ekzekutimi i gjyqtarit/ Muçollari: Pasqyrë e një shteti që ka humbur përgjegjësinë

7 Tetor 2025, 14:19, Politikë CNA

Ekzekutimi i gjyqtarit/ Muçollari: Pasqyrë e një shteti që

Anëtari i Partisë Demokratike, Grigels Muçollari, ka reaguar për vrasjen e gjyqtarit Astrit Kalaja ditën e djeshme.

Me anë të një postimi në rrjetet sociale, Muçollari shkruan se kur dhuna ndodh aty ku duhet të mbretërojë ligji, është shenjë se shteti nuk mbron dot as veten.

Më tej, demokrati thotë se në vend që të mbahen përgjegjësitë dhe të reflektohet, ka vetëm justifikime dhe propagandë.

Muçollari thotë se gjuha e përdorur nga Rama ndaj drejtësisë ushqen armiqësitë që shpërthejnë në dhunë.

 

“Kush do të na mbrojë vallë?

Ka raste kur një ngjarje nuk është më thjesht tragjedi, është pasqyrë e një shteti që ka humbur ndjenjën e përgjegjësisë.

Kur dhuna ndodh aty ku duhet të mbretërojë ligji, kjo s’është vetëm krim: është shenjë se shteti nuk po mbron më as vetveten.

Në vend të reflektimit, dëgjojmë justifikime. Në vend të përgjegjësisë, propagandë.

Kryeministri flet për ashpërsim ligjesh, ndërkohë që sulmon drejtësinë për të fshehur dështimet e veta, dhe, me këtë gjuhë, ushqen armiqësinë që një ditë shpërthen në dhunë.

Por edhe ne nuk jemi të pafajshëm. Heshtim. Zëmërohemi për pak, e pastaj harrojmë, në një farë mënyre kemi humbur moralin e nje shoqërie te drejtë.

Kështu, padrejtësia bëhet pjesë e përditshmërisë.

Nëse kjo ngjarje nuk na zgjon, atëherë nuk është më drejtësia që ka rënë, por koncepti i se drejtës, jemi  ne ata që kemi rënë.

Ngushëllimet më të sinqerta familjes së gjyqtarit Astrit Kalaja”, shkruan Muçollari./CNA





Lajmet e fundit nga