web counter
LEXO PA REKLAMA!

SHKARKO APP

App Store
Google Play

“Pogradeci nën sundimin e mafies shtetërore”/ Berisha: Klani Xhafaj përcakton çdo gjë

19 Gusht 2024, 21:36, Politikë CNA
“Pogradeci nën sundimin e mafies shtetërore”/ Berisha:
Kreu i PD-së, Sali Berisha

Kreu i PD-së, Sali Berisha në fjalën e tij gjatë tubimit para banesës ka deklaruar se ka marrë mesazhe ku i thonë se Pogradeci është sot më në terror se sa Elbasani, Durrësi apo ndonjë qytet tjetër.

Berisha denoncoi se Pogradeci sot është nën sundimin e e plotë, total të mafies shtetërore me në krye Fatmir Xhafajn.

Lideri i opozitës deklaron se, klani Xhafaj në Pogradec përcakton çdo gjë, bën çdo ligj, merr çdo vendim, dikton gjithçka.

“Sot qindra dhe mijëra qytetarë protestojnë para kryeministrisë. Protestojnë për jetën e humbur, drejtësinë e munguar, vrasjen mafioze të një qytetari, të një prindi, të një bashkëshorti, i cili qëndroi heroikisht ndaj një vrasësi gjobëvënës.PD mbështet çdo protestë për çdo kauzë të drejtë kudo që ajo zhvillohet.

Por kauzë më të drejtë se ajo për jetën nuk ka dhe nuk mund të ketë. Të dashur miq, një ditë më parë unë kam marrë një mesazh nga një qytetar i Pogradecit, i cili më shkruan se Pogradeci është sot më në terror se sa Elbasani, Durrësi apo ndonjë qytet tjetër.

Se Pogradeci është nën sundimin e plotë, total të mafies shtetërore me në krye Fatmir Xhafën.

Se klani Xhafa në Pogradec përcakton çdo gjë, bën çdo ligj, merr çdo vendim, dikton gjithçka.

Dhe se ky klan qëndron natyrisht në Pogradec mbi ligjin, mbi shtetin, ka mposhtur dhe ka vendosur sundimin e tij.

Po kjo është kudo!”, tha Berisha./ CNA





Lajmet e fundit nga