web counter
LEXO PA REKLAMA!

SHKARKO APP

App Store
Google Play

E fundit!

x

PD, e ndarë në grupe/ Bregu: S’bie dakord me të gjithë zërat, dua opozitë të mirë

6 Dhjetor 2022, 22:56, Politikë CNA
PD, e ndarë në grupe/ Bregu: S’bie dakord me të gjithë
Sekretarja e Këshillit të Bashkëpunimit Rajonal (RCC), Majlinda Bregu

Sekretarja e Këshillit të Bashkëpunimit Rajonal (RCC), Majlinda Bregu, është pyetur mbrëmjen e sotme për situatën brenda Partisë Demokratike, e cila vijon të jetë e ndarë në grupe.

Bregu tha në një intervistë televizive se nuk bie dakord me të gjitha zërat që janë krijuar sot tek e djathta.

Ajo theksoi se e rëndësishme për të është që Shqipëria të ketë një opozitë të mirë dhe të qëndrueshme.

“PD sot ka një sërë zërash dhe sigurisht që unë nuk bie dakord me të gjithë këto zëra. Më parë ishte vetëm një zë dhe të gjithë flisnin pas tij.

Për mua ka rëndësi që Shqipëria të ketë një opozitë, që të jetë një opozitë e mirë dhe e qëndrueshme”, deklaroi sekretarja e RCC-së pa u ndalur gjatë.

E pyetur se çfarë do ta bënte që të aktivizohej sërish në politikë, Bregu deklaroi se për momentin është e fokusuar në detyrën që ka.

“Unë jam investuar dhe kam një detyrë sot, për të cilën dua të bëj mirë këtë që kam në dorë”, nënvizoi ajo./ B.A. – CNA.al





Lajmet e fundit nga