web counter
LEXO PA REKLAMA!

SHKARKO APP

App Store
Google Play

Nesër, seancë plenare/ Berisha rikthehet pas rreth një viti në Parlament

2 Dhjetor 2024, 19:30, Politikë CNA
Nesër, seancë plenare/ Berisha rikthehet pas rreth një viti
Kryetari i PD-së, Sali Berisha

Kuvendi rikthehet në seancë plenare të martën, duke nisur nga ora 10.00. Në rend dite parashikohet të diskutohet buxheti i vitit 2025.

Në këtë seancë do të marrë pjesë pas rreth një viti edhe kryetari i PD-së, Sali Berisha, pasi GJKKO revokoi masën e sigurisë “arrest shtëpie”, të vendosur ndaj tij.

Ndërkaq, Grupi Parlamentar i Partisë Demokratike kërkon interpelancë urgjente me kryeministrin për ekzekutimin e pagesës 110 milionë euro të shtetit shqiptar për biznesmenin italian, Francesco Becchetti.

Në një shkresë drejtuar Kryetares së Kuvendit, kreu i grupit demokrat, Gazment Bardhi shkruan se:

“Megjithëse, Kryeministri Edi Rama e ka mohuar në vazhdimësi se Shqipëria do të paguante dëmshpërblimin prej 110 milionë euro sipërmarrësit Becchetti dhe ortakëve të tij, proceset e iniciuara nga qeveria shqiptare pranë ICSID dhe tribunaleve të tjera ndërkombëtare nuk arritën të prodhonin asnjë ndryshim, sa i përket detyrimit të qartë të shtetit shqiptar për shlyerjen e plotë të faturës financiare të mbylljes dhe shkatërrimit të televizionit Agonset. Në javën e dytë të nëntorit, mediat shqiptare raportuan gjërësisht se një përmbarues belg kishte arritur të ekzekutonte vlerën e plotë të dëmit në favor të biznesmenit italian nëpërmjet fondeve të Albcontrol, që mbaheshin të bllokuara në llogarinë e Eurocontrol prej dhjetorit 2020”. / CNA





Lajmet e fundit nga