web counter
LEXO PA REKLAMA!

SHKARKO APP

App Store
Google Play

Topalli, thirrje emigrantëve: Shqipëria ka nevojë për zërin tuaj

1 Dhjetor 2024, 12:56, Politikë CNA

Topalli, thirrje emigrantëve: Shqipëria ka nevojë për

Drejtuesja politike e PD-së për Diasporën, Jozefina Topalli, u është drejtuar me një thirrje të rëndësishme të gjithë emigrantëve, duke thënë se Shqipëria ka nevojë për zërin e tyre.

Topalli ka nënvizuar se Diaspora ka mundësinë reale të ndikojë në të ardhmen e Shqipërisë përmes votës. Kjo është një mundësi historike, jo vetëm për të zgjedhur drejtuesit, por për të dhënë mesazhin që: “Shqiptarët, kudo që ndodhen, janë një komb i bashkuar, që kujdeset për atdheun”.

“Të dashur bashkatdhetarë,

Është një nder dhe kënaqësi të jem sot këtu mes jush, duke ndarë të njëjtat emocione për atdheun tonë të përbashkët, Shqipërinë. Ju jeni pjesa më e ndritshme e kombit tonë, një urë e fortë që lidh vendin tonë me botën.

Sot dua t’ju bëj një thirrje të rëndësishme: Shqipëria ka nevojë për zërin tuaj. Për herë të parë, diaspora shqiptare ka mundësinë reale të ndikojë në të ardhmen e vendit tonë përmes votës. Kjo është një mundësi historike, jo vetëm për të zgjedhur drejtuesit tanë, por për të dhënë një mesazh të qartë: Shqiptarët, kudo që ndodhen, janë një komb i bashkuar, që kujdeset për atdheun.

Vota juaj nuk është thjesht një e drejtë, por një detyrë patriotike. Ajo përfaqëson shpresën dhe përgjegjësinë për të ndërtuar një Shqipëri më të mirë, për ne dhe për brezat e ardhshëm. Të gjithë së bashku mund të sjellim ndryshimin që duam të shohim.

Prandaj, ju ftoj që të regjistroheni dhe të siguroheni që vota juaj të dëgjohet. Shqipëria ju pret, ashtu si gjithmonë, me zemër të hapur dhe me shpresën që diaspora të jetë një zë i fuqishëm i së ardhmes.

Bashkë mund të bëjmë më shumë. Faleminderit dhe le ta bëjmë këtë hap të rëndësishëm për vendin tone”, shkruan Topalli./ CNA





Lajmet e fundit nga