E fundit!

12:36 Politikë

“Ehu, muhabet l*shi”/ Manja dhe Gjiknuri, përplasje në mbledhjen e Komisionit të Ligjeve

Mbledhja e zhvilluar këtë të martë në Komisionin për Çësht...

Fushata e Ramës për “TikTok”-un/ Bardhi: Sillet si psikolog, në 12 vite ofroi modelin e trafikantit

30 Nëntor 2024, 19:47, Politikë CNA

Fushata e Ramës për “TikTok”-un/ Bardhi: Sillet si

Kryetari i Grupit Parlamentar në Partinë Demokratike, Gazment Bardhi

Kryetari i Grupit Parlamentar në Partinë Demokratike, Gazment Bardhi, ka reaguar ndaj fushatës së këshillimit të kryeministrit Edi Rama me komunitetin e prindërve, për kufizimin e përdorimit të rrjeteve sociale, kryesisht “TikTok”-un dhe “Snapchat”-in.

Bardhi deklaron se Rama nuk është as menaxher dhe as përgjegjës për “TikTok”-un dhe rrjetet sociale.

Ai akuzon kreun e qeverisë se sillet si psikolog, ndërkohë që për 12 vite u ofroi fëmijëve dhe të rinjve modelin e trafikantit.

“Edi Rama nuk është as menaxher dhe as përgjegjës për Tik-Tok dhe rrjetet sociale! Pretendon se është Kryeministër, por sillet si psikolog, sepse i kanë shteruar idetë dhe pas ngjarjes së rëndë në Shkollën “Fan Noli” nuk i shërben dot as propaganda bajate.

Si Kryeministër, Edi Rama dhe qeveria e tij janë përgjegjës për cilësinë e arsimit, janë përgjegjës për përmbushjen nga shkolla të rolit edukativ mbi fëmijët, janë përgjegjës për bashkëveprimin mes shkollës dhe familjes në mirërritjen e fëmijëve, janë përgjegjës për përgjegjshmërinë e mësuesve, janë përgjegjës për sigurinë në shkolla. Qartësisht ka dështuar në të gjitha përgjegjësitë e mësipërme. Prandaj flet për gjithçka, përveç përgjegjësive të tij!

Duke qenë i paaftë për të ushtruar përgjegjësitë dhe I paaftë të justifikojë pse ka degraduar arsimi gjatë 12 viteve të qeverisjes së tij, Edi Rama me nje strategji të dalë boje, ka zgjedhur t’u thotë shqiptarëve se fajin e kanë rrjetet sociale, fajin e kanë telefonat, fajin e kanë prindërit, faji është jetim. E vërteta është se degradimi i arsimit është përgjegjësi e keqqeverisjes së Edi Ramës që në 12 vite i ofrojë fëmijëve dhe të rinjve modelin e trafikantit dhe vrasësit si deputet, modelin e gangsterit e kriminelit si kryetar bashkie, apo modelin e hajdutit si ministër. Koha për të larguar përgjegjësin dhe për të rikthyer shpresën për një arsim më cilësor dhe për shkollat si faktorin kyç bashkë me familjen në edukimin dhe mirërritjen e fëmijëve”, nënvizon Bardhi./ CNA