E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Berisha: Shqipëria feston Ditën e Pavarësisë në një diktaturë të re

28 Nëntor 2024, 19:58, Politikë CNA

Berisha: Shqipëria feston Ditën e Pavarësisë në

Kreu i demokratëve, Sali Berisha

Me rastin e festave të nëntorit, Sali Berisha dhe përfaqësues të tjerë të Partisë Demokratike kanë zhvilluar një takim me bashkëatdhetarët në Greqi.

Në nisjen e fjalës së tij, Berisha uroji shqiptarët për Ditën e Flamurit.

Berisha theksoi se Shqipëria ndodhet në një diktaturë që bazohet në përqendrimin e të gjitha pushteteve në duart e një njeriu.

Ish-kryeministri dhe njëherazi edhe kreu i PD-së, Sali Berisha u shpreh se diktatura e ditëve të sotme nuk është një diktaturë ideologjike, është një diktaturë, e cila bazohet në aleancën me krimin, drogën dhe vjedhjen e fondeve dhe pasurive publike të shqiptarëve.

Sipas tij kjo diktaturë nuk mund të ketë jetën e gjatë dhe PD-ja këmbë për t’u përballur me këtë diktaturë.

“Ju uroj përzemërsisht festën e pavarësisë, Ditën e Flamurit.

Shpreh mirënjohje të pakufishme ndaj jush për praninë tuaj në këtë takim.

Falënderoj organizatorët dhe të dërguarit e PD-së që janë sot të pranishëm në takimin me ju.

Të nderuar zonja dhe zotërinj!

Shqipëria sot ndodhet në një regjim të ri diktatorial dhe feston Ditën e Pavarësisë, e vërteta është, me instalimin e një diktature të dytë 32 vite pasi u përmbys e para.

Por në dallim nga diktatura komuniste, diktatura e sotme nuk është një diktaturë ideologjike, është një diktaturë, e cila bazohet në aleancën me krimin, drogën dhe vjedhjen e fondeve dhe pasurive publike të shqiptarëve.

Është një diktaturë që bazohet në përqendrimin e të gjitha pushteteve në duart e një njeriu.

Është një diktaturë që bazohet në rikthimin në Shqipëri të arrestimit dhe burgjeve të kundërshtarëve politikë.

Në shndërrimin e proceseve zgjedhore në një farsë zgjedhore.

Në kontrollin e plotë të ekonomisë, medies dhe shoqërisë.

Pra, është një diktaturë që bazohet në shkelmimin e ligjeve, Kushtetutës dhe vendimeve të Gjykatës Kushtetuese.

Kjo formë diktaturë, e panjohur ndonjëherë në Europë, por e njohur rëndom në Amerikën Latine dhe në vende të tjera të Afrikës, është forma e diktaturës që nuk zbaton asnjë rregull, asnjë ligj, ndaj studiuesit e kanë cilësuar si formën më të keqe të diktaturave.

Por, si çdo diktaturë, edhe kjo diktaturë nuk mund të ketë jetën e gjatë.

Ndaj dhe ne jemi në këmbë për t’u përballur me këtë diktaturë.

Thashë dhe njëherë, nuk njeh ligje, Kushtetuta, rregulla dhe parime, njeh vetëm interesa mafioze të padrinos apo të kryeministrit që kontrollon çdo pushtet në Shqipëri."/CNA