web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi ankimon sekuestrimin e vilave te Kodra e Diellit

2 Dhjetor 2024, 12:17, Politikë CNA
Kryemadhi ankimon sekuestrimin e vilave te Kodra e Diellit
Deputetja e Partisë së Lirisë, Monika Kryemadhi

Deputetja e Partisë së Lirisë, Monika Kryemadhi, është paraqitur ditën e sotme në SPAK.

Kryemadhi ka ankimuar sekuestrimin e dy vilave te Kodra e Diellit.

Sipas Kryemadhit, ka një sërë shkeljesh që janë kryer nga gjykata në lidhje me çështjen e saj, të cilën u shpreh se do ta çojë në Strasburg.

Ndër të tjera Kryemadhi foli për protestën e opozitës më 6 dhjetor para SPAK-ut duke thënë se nuk do të jetë prezente.

“Ankimova vendimin për sekuestrimin e banesave ku jetojmë unë dhe mamaja ime bashkë që me thënë të drejtën ka një procedurë shumë qesharake dhe metodologjia që është ndjekur ka qenë, jo pa qëllim është 10 policë te dera e shtëpisë ditën e martë që ne kishim gjyqin e apelit për të dorëzuar vendimin e gjyqit 5 minuta para se të hynim në gjyq të apelit.

Sigurisht ishte e koordinuar për të krijuar këto presionet tipike provenciale dhe bolshevike. Me atë çfarë pamë është qesharake, jo profesionale, megjithatë është një procedurë që unë jam e detyruar ta ndjek hap pas hapi për të ecur më përpara dhe për të vazhduar me procedurat e tjera ligjore që na takojnë.

Që kur i kanë bërë kontrollin në banesë, kjo i bie që të jetë nën hetim, pavarësisht se Prokuroria ka ndjekur trike të cilat nuk e di a janë të ligjshme apo jo, që nuk e kanë regjistruar si procedime penale në regjistër, por edhe kur është marrë në pyetje ka qenë pa avokat, që normalisht për moshën dhe për mënyrën se si duhet të kishte avokatin e saj, pavarësisht se nuk ka pasur asgjë për të fshehur as për t’u frikësuar, por në momentin që i është kontrolluar banesa, si mund të marrësh ti një person në dijeni pa avokat.

Ka një sërë stërshkeljesh, të cilat sigurisht ne, jo s’e kemi ndonjë shpresë nga Gjykata e Apelit, se me atë çfarë pamë herën e fundit shikojmë një presion psikologjik dhe kërcënim haptas që bëhet nga institucioni i Prokurorisë ndaj gjyqtarëve të sistemit të drejtësisë, megjithatë këto janë procedura që ne do t’i ndjekim sepse sigurisht që kjo gjë do të përfundojë në Strasburg për shkeljen e të gjithë procesit, qoftë të të drejtave të njeriut, qoftë të drejtave të pronës, të shumë gjërave të tjera që kanë kaluar çdo limit njerëzor”, tha Kryemadhi./ CNA





Lajmet e fundit nga