web counter
LEXO PA REKLAMA!

SHKARKO APP

App Store
Google Play

Si Erion Veliaj e përdori Sali Berishën kundër prokurorëve të SPAK-ut

2 Dhjetor 2024, 09:03, Politikë CNA

Si Erion Veliaj e përdori Sali Berishën kundër prokurorëve

Dje në mbrëmje, kreu i PD-së, Sali Berisha, publikoi një postim në lidhje me një rast të ish-deputetit socialist Jurgis Çyrbja, duke akuzuar prokurorin e SPAK-ut, Olsi Dado. (LEXO KETU)

Në fakt, përdoren disa përgjime të “SKY ECC” dhe “Encrochat”, të cilat sërish i ka publikuar SPAK-u dhe në rast se do të ishin të vërteta dhe do të kishin lidhje me prokurorin në fjalë patjetër se ndaj tij do të kishte një hetim. (LEXO KETU)

Ai do të ishte liruar nga detyra, do të kishte pasur veprime të tjera, por ajo që abuzohet është fakti se prokurori për të cilin flitet në “SKY ECC” nuk është Olsi Dado dhe nuk flitet për prokuror, por thonë Olsi. Me emrin Olsi ka shumë, por kjo është diçka tjetër.

Si Erion Veliaj e përdori Sali Berishën kundër prokurorëve
Prokurori Olsi Dado

Ajo që ka ndodhur dje është se në dy burime të ndryshme të Berishës në rrjetet sociale i kanë çuar MESAZHE të zakonshme të qytetarit digjital që në këtë rast pa asnjë diskutim dhe pa asnjë dyshim është DORA E ERION VELIAJT.

Dikush mund të thotë se CNA për shkak të përplasjeve të vazhdueshme, denoncimeve për dosjen “5D”, aferat, korrupsionin, skandalet me inceneratorët që lidhen me Bashkinë e Tiranës mund të ketë diçka personale me kryebashkiakun e Tiranës.

Në fakt, nuk është e tillë. Ne kemi denoncuar, kemi folur dhe nuk do të ndalemi. Por e vërteta është një dhe vetëm një.

Dje, Sali Berisha fatkeqësisht u përdor nga Erion Veliaj me instrumentet e tij korruptive, shpesh të keqpërdorura nga rrjetet sociale dhe menaxhimi i tij me LAJME TË PAVERIFIKUARA dhe të pabesueshme, Sali Berisha hedh helm.

Në fakt në fund të fundit atij nuk i intereson aspak se ç’pasoja ka një prokuror apo familjarët e tij, e një viktime apo qoftë dhe të personit që ka kryer krimin.

Hidhet një shashkë, hidhet një shpërthim.

Por në këtë rast sulmi që ka bërë Sali Berisha ndaj prokurorit Olsi Dado duket qartë se është një nga sulmet e vazhdueshme të përditshme ndaj SPAK-ut, ndaj kreut të SPAK-ut, ndaj prokurorëve të këtij institucioni për problemet e tij personale dhe gjithçka ka një përfundim.

Dje, Sali Berisha është përdorur nga Erion Veliaj për shkak të pasionit të tij të pandalshëm për të sulmuar SPAK-un dhe prokurorët e këtij institucioni për interes të kryebashkiakut Erion Veliaj dhe lidhja është shumë e thjeshtë.

Olsi Dado dhe Altin Dumani janë prokurorë që po hetojnë pasurinë e Erion Veliajt dhe familjarëve të tij, skandale të cilat CNA i ka raportuar ditë pas dite.

Ndaj edhe njëherë duke qartazi se doktori nuk ka kontrolluar dhe verifikuar burimet e tij të informacionit dhe ka rënë pre e një mashtrimi siç ka ndodhur shpesh me qytetarin digjital dhe me rrjetet e tij sociale./ CNA





Lajmet e fundit nga