web counter
LEXO PA REKLAMA!

SHKARKO APP

App Store
Google Play

"Varfëria, emergjencë"/ Berisha: Do përmbysim modelin e shpërndarjes së të ardhurave

2 Dhjetor 2024, 18:17, Politikë CNA
"Varfëria, emergjencë"/ Berisha: Do përmbysim modelin e
Kryetari i Partisë Demokratike, Sali Berisha

Të martën do të diskutohet në Kuvend projekt-buxheti i vitit 2025, i cili është miratuar në parim me votat e mazhorancës.

Lidhur me buxhetin 2025, kryetari i Partisë Demokratike, Sali Berisha zhvilloi një takim më ekspertë në selinë blu.

Berisha tha se varfëria dhe mjerimi janë një emergjencë kombëtare, ndërsa e vuri theksin te pensionet.

Ai deklaroi se nëse vjen në pushtet, PD do të përmbysë plotësisht modelin e shpërndarjes së të ardhurave.

“Edhe pas rritjeve të rrogave, se pensionet nuk janë rritur, përsëri ne rreshtohemi të fundit në rajon, por jo vetëm rreshtohemi të fundit, por e vërteta është se, sirenat e dhimbjes së varfërisë dhe mjerimit ulërijnë sot për mbi 46% të shqiptarëve.

Në situatën më katasrofale, më çnjerëzore, më të pamëshirë janë pensionistët. Pensionisti shqiptar për shkak të inflacionit, sot me gjithë të ashtuquajturin indeksim, sot ai blen me pensionin e tij 30-40% më pak, se sa blinte me pensionin e tij në vitin 2013.

Është shumë e dhimbshme të imagjinosh që, çmimet në Greqi dhe Itali të ushqimeve bazë dhe produkteve bazë janë qartësisht më të ulëta se në Shqipëri. Në raport me mesataren e BE, çmimet e produkteve bazë janë 10-250% më lirë, kurse pensionisti, në qoftë se ia proporcionojnë pjesën e pa indeksuar, në qoftë se ia proporcionojnë rreth 450 mijë lekë që, sipas ekspertëve iu mbahen me tvsh-në atyre, del e vërtetë që ata tri vakte nuk i marrin dot.

Në një kohë kur u mbaj ky qendrim me rrogat e larta. Ata u rritën 2 dhe 3 herë. Imagjinoni ju, merr Edi Rama, Bajram Begaj, Altin Dumani, marrin sa 50 gjer në 70 pensionistë, në një shkallë pabarazie ekstreme. Plus të tjerë, që marrin si ndihmë ekonomike dhe janë mbi 60 mijë e sa familje që marrin nga 60 mijë lekë të vjetra.

Pra, varfëria dhe mjerimi janë një emergjencë kombëtare në Shqipëri sot. Një emergjencë, së cilës PD duhet dhe do t'i përgjigjet duke përmbysur plotësisht këtë model shpërndarjes së të ardhurave dhe në mënyrë përfundimtare”, theksoi kreu i PD-së./ CNA





Lajmet e fundit nga