web counter
LEXO PA REKLAMA!

SHKARKO APP

App Store
Google Play

Porti i ri/ Berisha: Do të kërkojmë komision parlamentar me urgjencë

2 Dhjetor 2024, 12:30, Politikë CNA
Porti i ri/ Berisha: Do të kërkojmë komision parlamentar me
Kreu i demokratëve, Sali Berisha

Kreu i demokratëve, Sali Berisha, ka akuzuar kryeministrin Edi Rama se me projektin e ri për ndërtimin e Portit të Durrësit po vjedh shqiptarët.

Gjatë deklaratës për mediat, Berisha tha se ky projekt është gjoba më e madhe në histori ndaj shqiptarëve dhe sipas tij ky fond që do të përdoret për ndërtimin e portit është i barabartë për rritjen 100% të pensioneve dhe 150% për rritjen e rrogave të shqiptarëve.

"Sipas projektit të kompanisë holandeze, porti i ri do të kushtojë 1.3 miliardë euro.
Kjo është gjoba më e madhe në histori ndaj shqiptarëve.
Ky është një fond i barabartë me rritjen 150 për qind, mos më shumë, të rrogave të shqiptarëve.
Ky është një fond i barabartë me rritjen 100 për qind të pensioneve të shqiptarëve.
Dhe të gjitha këto vetëm për parajsën e Edi Ramës.
Ky është një krim që e tejkalon çdo proporcion.
Tenderi i hapur, siç e dini, ishte rreth 400 milionë euro, në një kohë kur pensionistëve, me pensionet më të ulëtat në botë dhe me çmimet më të lartat, unë ftoj mediat t’u tregojnë të vërtetën e çmimeve shqiptarëve krahasuar me Greqinë, Italinë dhe Gjermaninë.
Sot në Greqi, çmimet e ushqimeve bazë janë deri 80 për qind më të ulëta se në Shqipëri.
Kështu janë në Itali, Gjermani.
Ushqimet bazë dhe produktet bazë në Shqipëri janë 10 deri në 250 përqind më shtrenjtë se mesatarja e tyre në BE.
Një pensionisti i mbahen nëpërmjet TVSH-së, sipas përllogaritjeve të TVSH, i mbahen në vit 450 mijë lekë. I mbahen të paktën tre pensione dhe Edi Rama përcakton për t’u vjedhur shqiptarëve 1.3 miliardë euro.
Do krijohet një komision parlamentar me emergjencë për këtë aferë që tejkalon çdo lloj limiti, që vjen pas bunkerëve.
U kushton pas bunkerëve të diktatorit Hoxha, më shumë se gjithçka tjetër taksapaguesve shqiptarë."/CNA





Lajmet e fundit nga